TANRIDAGI (1)

       Bizimlə əlaqə


TR EN RU   


.
Xəbər Xətti

.
  • “Faytonçu” Nazimin ölüm xəbəri yalan çıxdı
    “Faytonçu” Nazimin ölüm xəbəri yalan çıxdı
  • Yer kürəsinə tarixdə ən böyük asteroid yaxınlaşır
    Yer kürəsinə tarixdə ən böyük asteroid yaxınlaşır
  • Nazirlikdən ətin bahalaşmasının özünəməxsus izahatı
    Nazirlikdən ətin bahalaşmasının özünəməxsus izahat
  • Yörük Türkmen Şölenin’de Türk Dünyası’nın Sorunları Ele Alındı
    Yörük Türkmen Şölenin’de Türk Dünyası’nın Sorunlar
  • “Titanik”in qəhrəmanları 20 il sonra bir arada – FOTOLAR
    “Titanik”in qəhrəmanları 20 il sonra b
  • Azərbaycanda qeyri-adi toy – Bəy və xanımı hərbi geyimdə –  FOTO
    Azərbaycanda qeyri-adi toy – Bəy və xanımı h
  • Nuriyyə Hüseynova məşhur türk mahnısına yeni nəfəs verdi – VİDEO
    Nuriyyə Hüseynova məşhur türk mahnısına yeni nəfəs
  • Sərnişin avtobus sürücüsünə tapança tuşladı – Bakıda görünməmiş hadisə+ Video
    Sərnişin avtobus sürücüsünə tapança tuşladı –
  • Atasına heykəl qoyduran deputat Prezident Adminstrasiyasına çağrıldı – FOTO
    Atasına heykəl qoyduran deputat Prezident Adminstr
  • “Sabah müharibə olacaq, amma ordunun xəbəri yoxdur”
    “Sabah müharibə olacaq, amma ordunun xəbəri yoxdur
Qənirə Paşayeva Melkumyanın cavabını belə verdi
28 İyun 2017 22:26
    baş manşet
Qənirə Paşayeva Melkumyanın cavabını belə verdi













Avropa Şurası Parlament Assambleyasının (AŞPA) yay sessiyasının iyunun 28-dəki plenar iclası qurumun miqrasiya, qaçqınlar və məcburi köçkünlər üzrə komitəsinin məruzələri dinlənildikdən sonra debatlar başlayıb.

Axar.az xəbər verir ki, Qənirə Paşayeva debatlarda çıxış edərək Azərbaycan əleyhinə yalanlarla çıxış edən Ermənistan heyətinin üzvünə sərt cavab verib.

Erməni nümayəndəsinə “siz öz işğalçı ölkənizdən danışın” deyən Milli Məclisin deputatı Q.Paşayeva bildirib:

“Dəyərli həmkarlarım, mənim ölkəm dünyada ən çox qaçqın qəbul edən ölkələrdən biridir. Bilirsiniz ki, Ermənistanın Azərbaycan torpaqlarının 20 faizini işğal etməsi nəticəsində 1 milyondan çox azərbaycanlı öz evində köçkün düşdü. İşğalçı Ermənistan bu gün azərbaycanlı köçkünlərin öz evlərinə dönməsinə izn vermir. AŞPA da daxil olmaqla, beynəlxalq təşkilatların qərarlarına, qətnamələrinə məhəl qoymayan Ermənistan rəhbərliyi işğalçılığı və qeyri-insani əməlləri davam etdirir. Mən buradan bir az öncə Azərbaycan əleyhinə yalanlarla dolu çıxış edən Melkumyana səslənərək demək istəyirəm ki, sizin yalanlarınıza ən gözəl cavab bu Assambleyanın, Parlament Assambleyasının qəbul etdiyi qərarlardır, 1416 saylı qərar da daxil olmaqla. O qərarlarda ki, birmənalı olaraq ölkənizin işğalçı olduğu vurğulanır və işğala son vermənizə çağırış edilir. İşğala son verin!

Əziz həmkarlarım, biz burada Assambleyamızda köçkünlərlə bağlı müzakirələrdə nəticələrdən daha çox insanları köçkün salan səbəblərlə daha çox mübarizə aparmalıyıq. İnsanları köçkün salan səbəblərə qarşı AŞPA-nın, üzv ölkələrin birlikdə mübarizəsi güclənməsə köçkünlərin sayı da, problemlər də azalmayacaq, daha da artacaq. Ona görə Assambleyamız insanları köçkün salan səbəblərə qarşı daha sərt mübarizəyə çağırırıq”.

Millət vəkili daha sonra qeyd edib ki, Avropada qaçqınlara qarşı hücumların artması hər kəsi ciddi narahat etməlidir. Fiziki zorakılıqla müşayiət olunan hücumlar, əməyin istismarı, insan alveri, cinsi istismar və təcavüzlər, irqçi şüarların və nifrətin alovlandırılması kimi durumlar bütün parlamentariləri ciddi narahat etməlidir ki, insanlığa zidd olan bu kimi hallara qarşı ciddi addımlar atılsın.

“Avropadakı bəzi populist partiyalar və media orqanlarının qaçqın və məcburi köçkünlərə qarşı getdikcə artan irqçi münasibətlərinə son verilməsi üçün onları yekdilliklə qınamalı və bunun qarşısının alınması üçün daha ciddi addımlar atmalıyıq. Azərbaycan dünyada ən çox qaçqın qəbul edən ölkələrdən biridir. Bilirsiniz ki, Ermənistanın Azərbaycan torpaqlarının 20 faizini işğal etməsi nəticəsində 1 milyondan çox azərbaycanlı doğma yurdundan didərgin düşüb. 25 il əvvəl ölkəmizin çox ağır durumda olmağına baxmayaraq, on minlərlə axıska türkünü də qəbul etdik. Azərbaycan dövləti və xalqı onlara qucaq açdı. Bu gün də müxtəlif bölgələrdən və ölkələrdən gələrək ölkəmizə sığınmış insanlara diqqət və sayğı ilə yanaşırıq. O insanların hansı acılar içərisində bizə pənah gətirdiklərini unutmamalı, onlara dəstək olmalıyıq. Bu baxımdan 3 milyon köçkünə qucaq açaraq onlara dəstək olan və ən çox köçkünün yaşadığı Türkiyəyə buradan təşəkkür etmək istəyirəm”, – deyə Q. Paşayeva bildirib.

cooltext184405016019087
Yuxarı Geri Başlağıc