“Haaretz” qəzeti adından yayılan məqalə tamamilə saxtadır” – SƏFİRLİK

İsrailin Azərbaycandakı səfiri Dan Stav “Haaretz” qəzetinin saytında ölkəmizlə bağlı yayılan yazı ilə əlaqədar açıqlama verib.
AZƏRTAC xəbər verir ki, səfir “Haaretz” qəzeti adından yayılan məqalənin birmənalı şəkildə və tamamilə saxta olduğunu bildirib.

Dan Stav qeyd edib ki, İsrail mətbuatında belə bir məqalə dərc edilməyib. Turizm naziri Yarev Levin bu saxta məqalədə onun adından yayılan sözləri heç vaxt deməyib.