TANRIDAGI (1)

       Bizimlə əlaqə


TR EN RU   


izmir escort izmir escort izmir escort
.

Xəbər Xətti
Şuşa şəhər Uşaq İncəsənət Məktəbinin 85 illik yubiley gecəsi keçirilib – Fotolar
14 Noyabr 2017 14:25
    Mədəniyyət
Şuşa şəhər Uşaq İncəsənət Məktəbinin 85 illik yubiley gecəsi keçirilib – Fotolar













Azərbaycan Respublikası Mədəniyyət və Turizm Nazirliyinin,  Şuşa rayon İcra Hakimiyyətinin dəstəyi, Sumqayıt Regional Mədəniyyət və Turizm idarəsinin təşkilatçılığı ilə Beynəlxalq Muğam Mərkəzində Niyazi adına Şuşa şəhər Uşaq İncəsənət Məktəbinin 85 illik yubiley gecəsi keçirilib.

Turkustan.info xəbər verir ki, Sumqayıt Regional Mədəniyyət və Turizm idarəsinin rəisi Mehman Şükürov iki hissədən ibarət olan tədbiri giriş nitqi ilə açıq élan edib.

Tədbirdə Mədəniyyət və Turizm Nazirliyinin Elm, təhsil və gənclərlə iş şöbəsinin müdiri Yaşar Əliyev, “Azərbaycan Respublikası Dağlıq Qarabağ bölgəsinin Azərbaycanlı İcması” İctimai Birliyinin sədri, Şuşa rayon İcra Hakimiyyətinin başçısı Bayram Səfərov, Ailə, Qadın və Uşaq Problemləri üzrə Dövlət komitəsinin sədr müavini Sədaqət Qəhrəmanova, Mədəniyyət İşçiləri Həmkarlar İttifaqı Respublika Komitəsinin adından Şuşa rayon komitəsinin sədri Yaşar İbrahimov çıxış edərək məktəb kollektivini təbrik edib, xoş arzularını çatdırıblar.

Daha sonra Niyazi adına Şuşa şəhər Uşaq İncəsənət Məktəbi Azərbaycan Respublikası Mədəniyyət və Turizm Nazirliyi, Şuşa rayon İcra Hakimiyyəti, Sumqayıt Regional Mədəniyyət və Turizm idarəsi və Mədəniyyət İşçiləri Həmkarlar İttifaqı Respublika Komitəsi tərəfindən fəxri fərman və hədiyyələrlə təltif olunub.

Tədbirin bədii hissəsində məktəbin müəllim və şagird kollektivi konsert proqramı ilə çıxış edib.

Konsertdə Azərbaycan Respublikasının Əməkdar artisti Anar Şuşalının ifasında Süleyman Ələsgərovun “Vətənimdir”, Emin Məmmədlinin ifasında Süleyman Ələsgərovun “Gözəl Şuşam”, Fatimə Ağazadənin ifasında “Turacı”, Gülmanə Mərdiyeva, Elbrus Abbasov və Arzu Məmmədovanın ifasında “Qarabağ şikəstəsi”, məktəb xorunun ifasında Əhməd Cavadın “Can Azərbaycan”, Mirkamil Ağamirovun “Sabaha bizimlə gedəcək Şuşa” mahnıları, məktəbin “Təbəssüm” rəqs qrupunun ifasında “Yallı” rəqsi tamaşaçıar tərəfindən alqışıarla qarşılanıb.

Tədbir boyu nümayiş olunan və Şuşanın tarixini, mənzərələrini, o cümlədən əks etdirən videoçarx maraqla izlənib.

Sonda növbəti yubiley tədbirlərinin Şuşada keçirilməsni arzulayan Niyazi adına Şuşa şəhər Uşaq İncəsənət Məktəbinin direktoru Mirkamil Ağamirov çıxış edərək tədbirdə iştirak edən qonaqlara məktəbə və kollektivə verdikləri dəyərə, tədbirin keçirilməsində əməyi olan hər kəsə təşəkkürünü bildirib.

Sumqayıt Regional Mədəniyyət və Turizm idarəsinin
Mətbuat xidməti








Yuxarı Geri Başlağıc