TANRIDAGI (1)

       Bizimlə əlaqə


TR EN RU   


izmir escort izmir escort izmir escort
.

Xəbər Xətti
İrandan Azərbaycana təxribat – “İmam Hüseyn bayrağını aşağı salıb homoseksuallığı…” MƏTN
28 Noyabr 2017 12:53
    baş manşet
İrandan Azərbaycana təxribat – “İmam Hüseyn bayrağını aşağı salıb homoseksuallığı…” MƏTN













İran rejimi noyabrın 26-da Ərdəbil şəhərində iki il öncə Azərbaycanın Nardaran qəsəbəsində polis əməliyyatı zamanı öldürülən ekstremistlərin ildönümü münasibətilə anım mərasimi keçirib, mərasimdə Azərbaycan Respublikasının əleyhinə qərəzli çıxışlar edilib.

Turkustan.info Gunaz.tv-yə istinadla bildirir ki, Ərdəbil Əyaləti Seyid Sədrəddin Astan-i Qüds Mərkəzində keçirilən mərasimlə bağlı “Təsnim” xəbər agentliyində məlumat yayılıb.

Xəbərdə aşağıdakı yalan ittihamlar yer alıb:

“2015-ci il noyabrın 26-da Azərbaycanın xüsusi təyinatlıları Bələdiyyə maşınlarından istifadə edərək zibil aparmaq bəhanəsi ilə namaz vaxtı Nardaran qəsəbəsinin Hüseyniyyəsinə daxil olub, dindarlara tərəf atəş açaraq onlardan 4-nü şəhid ediblər. Mərasimin çıxışçısı Höccətül-İslam Taleh Bağırzadə və onun təşkilat müavini Əbülfəzl Bünyadov polis hücumu zamanı saxlanılıb.

Polis öncədən düşünülmüş bir ssenarini gərçəkləşdirərək öz əməkdaşlarından ikisini şübhəli şəkildə öldürüb. Bu hadisələrdən sonra Lənkəran və Gəncə şəhərlərində etirazlar başlayıb, Zülfiqar Mikayılzadə və Seyid Elman Ağayev polis tərəfində yaxalanıb. Hadisə ilə bağlı Gəncədə 80 nəfər polis tərəfindən yaxalanıb müvəqqəti saxlanma mərkəzinə aparılıb.

Bundan sonra dindarlara qarşı ittihamlar başlayıb, bir neçə tanınmış ruhani polis tərəfindən həbs edilib. Polis dindarların əksəriyyətinin evində axtarış aparıb.

Bu hadisədə 4 nəfər şəhid oldu, 1 nəfər isə islam yolunda əlil məqamına yüksəldi.”- deyə xəbərdə bildirilir.

Azərbaycan Respublikasına qarşı qərəzli və təhrikedici ittihamlar təkcə saytda yayılan xəbərlə məhdudlaşmır, bu haqda mərasim iştirakçıları da Azərbaycana qarşı düşmən mövqelərini biruzə veriblər.

Mərasimin əsas çıxışçısı axund Nəzəri Azərbaycan Respublikasını ABŞ və İsrailin projelərini həyata keçirməkdə ittiham edərək bildirib ki, ABŞ bir neçə ildir böyük Yaxın Şərq projesi üzərində işləyir. Elə bu hədəfə görə də İraq və Suriyada bu qədər insan qətlə yetirildi. Biz isə islam Yaxın Şərqini müdafiə edirik. Ona görə də ABŞ və Qərb bu təfəkkürə qarşı islam, şiələr və İrana qarşı hücuma keçir. Və bu planın tərkib hissəsi olaraq İrandan sonra ikinci böyük şiə ölkəsi olan Azərbaycanda şiələrə qarşı ssenarilər həyata keçirilir”- deyə o bildirib.

Axund Nəzəri sözlərinin davamında Azərbaycanda islam əleyhinə tədbirlər görüldüyünü iddia edərək təhrikedici mesajlar verməyə çalışıb. O bəyan edib ki, “Azərbaycan Respublikasının əksəriyyəti müsəlmandır. Çalışırlar ki, Nardaran əhalisini qətlə yetirmək kimi hadisələrlə İmam Hüseyn bayrağını aşağı salıb homoseksuallıq kimi planlarla insanları islamdan uzaqlaşdırsınlar.”

Hər zaman olduğu kimi, mərasimdə Azərbaycan Respublikasının daxili işlərinə müdaxilə olunub, bu ölkənin İsrailə arxa olduğu iddia edilib. Axund Nəzəri hər iki ölkəni islama qarşı olmaqda günahlandıraraq bildirib ki, “İslam əleyhinə olan bütün planlar İsrail tərəfindən Azərbaycanda həyata keçirilir. Lakin islam və Quranın çırağını söndürmək, İmam Hüseyn tərəfdarlarını aradan aparmaq heç vaxt mümkün olmayacaq.”

Din xadimi olduğunu iddia edən axund Nəzəri Azərbaycan Respublikasına böhtan ataraq ölkədə dindarlara qarşı güclü repressiyalar olduğunu dilə gətirib. “Azərbaycanda dindarlara qarşı repressiyalar o həddə çatıb ki, bu ölkədə Quran oxumaq suç sayılır, müsəlmanlar İmam Hüseynə yas mərasimi tuta bilmir. Təbii ki, bütün bunlar İsrailin işidir. Çalışırlar ki, bu ölkədə islam və şiə bayrağı aşağı endirilsin”- deyə o bəyan edib.

Mərasimin sonunda sözdə dindarlara dəstək adı ilə Azərbaycan Respublikasına qarşı bəyanat verilib.

Xatırladaq ki, 2015-ci il noyabrın 26-da Azərbaycanın hüquq-mühafizə orqanları Nardaranda xüsusi əməliyyat keçirərkən, polis qüvvələri İran rejiminin təsiri altında olduqları deyilən islamçı ekstremistlərin atəşinə məruz qalmışdır. Bundan sonra polisə müqavimət göstərən dəstənin üzvlərindən 4-ü zərərsizləşdirilib, hökumət qüvvələrindən isə 2 polis, ekstremistlərin açdığı atəş nəticəsində şəhid olub. Hadisə ilə bağlı bir neçə nəfər həbs edilib.

Yuxarı Geri Başlağıc