Aqrar Universitetin tələbə komandası daha bir yarışmanın qalibi olub

Azərbaycan Dövlət Aqrar Universitetin tələbələri oxuduğu təhsil müəssisəsinə daha bir başucalığı gətirib. 8 nəfərdən ibarət komanda bu dəfə Ağıl oyunları intellektual yarışmada 3-cü yerə sahib olublar.

ADAU-nun mətbuat xidmətindən bildirilib ki, Azərbaycan gənclər fondunun dəstəyi və Xəzər intellektual təhsil mərkəzinin təşkilatçılığı ilə paytaxt Bakıda keçirilən yarışmada 40-dan artıq ali təhsil müəssisəsinin komandası iştirak edib. 5-ci Ağıl oyunları yarışmasında elmi və məntiqi suallar üstünlük təşkil edib. Gərgin mübarizə şəraitində keçən yarışmada ADAU-nun 8 nəfərlik komandası dolğun cavabları ilə fərqlənib və 3-cü yerə sahib olublar. Komanda üzvlərinə diplom, fəxri fərman və hədiyyələr təqdim edilib.

Tələbələri yarışa Universitetin İctimai elmlər və multikulturalizm kafedrasının müdiri, professor Azad Bayramov hazırlaşdırıb. O, tələbələrin əldə etdiyi uğurdan razı qalıb.