Gün: Yanvar 8, 2018

Şuşa və Kəlbəcərin yeni görüntüləri yayıldı – VİDEO

  Sosial şəbəkələrdə Ermənistan tərəfindən işğal olunan Azərbaycanın tarixi Şuşa şəhəri və Kəlbəcər rayonundan görüntülər yayılıb.

Videolar Youtube sosial şəbəkəsinə erməni blogger tərəfindən yerləşdirilib və Şuşa “qədim erməni şəhəri” adı ilə təqdim olunub. Bu azmış kimi blogger uydurduğu qondarma tarixi Azərbaycan musiqisinin sədaları altında sosial şəbəkə izləyicilərinə təqdim edib:

“Təxminən yüz il əvvəl Qafqaz türkləri qədim erməni şəhəri olan Şuşada soyqırım törətdilər. Qatillər köklü əhalini məhv edib şəhərdə məskunlaşdılar. Daha sonra bolşeviklər süni olaraq xalq yaradıb onları azərbaycanlılar adlandırdılar. Tarixi Ermənistan torpaqları isə köçərilərə verildi. Şükr allaha, cəsur erməni qoşunları sayəsində bu ərazilərin bir hissəsi 1992-1994-cü illərdə azad edildi”.    /

Milli Məclis deputatların maaşının artması barədə məlumatlara aydınlıq gətirib – RƏSMİ

“Milli Məclisin deputatlarının əmək haqlarında heç bir artım baş verməyib”.

Bunu APA-ya açıqlamasında Milli Məclisin İşlər müdiri xidmətinin Maliyyə şöbəsinin müdir müavini Cavid Möhbalı deyib.

O qeyd edib ki, bununla bağlı yayılan məlumatlar həqiqəti əks etdirmir.

“Deputatların maaşlarının 800 manat artması ilə bağlı məlumatlar əsassızdır. Kimlərsə məsələni qarışdırır. 2018-ci ilin büdcəsində MM-ə ayrılan vəsaitin artmasından irəli gələrək deputatların xarici ezamiyyət xərclərində artım nəzərdə tutulur. Bu, əvvəlki illə müqayisədə müəyyən artımdır, lakin qeyd olunan rəqəm qədər deyil. Deputatların əmək haqqında isə heç bir artım yoxdur. Artım olsaydı, bunu ilk olaraq biz bilərdik. Çünki əməkhaqqını deputatların kartlarına biz köçürürük. Bizə isə belə bir tapşırıq, təlimat gəlməyib”, – deyə o bildirib.

Qeyd edək ki, bir müddətdir, sosial şəbə

Yanvarın 22-si iş günü olacaqmı?

Azərbaycanda 20 Yanvar – Ümumxalq Hüzn Gününün bu il həftənin şənbə gününə təsadüf etməsi yanvarın 22-də iş gününün olub-olmayacağı sualını doğurub.

Yanvarın 20-si Ümumxalq Hüzn Günü olduğundan ölkədə iş günü hesab edilmir.

Lakin Əmək Məcəlləsinə əsasən, həftələrarası istirahət günləri yalnız iş günü hesab olunmayan bayram günləri ilə üst-üstə düşdükdə həmin istirahət günü bilavasitə bayram günündən sonrakı iş gününə keçirilir. Buna görə də yanvarın 20-nin həftənin şənbə gününə təsadüf etməsinə baxmayaraq, həmin gün Ümumxalq Hüzn Günü olduğundan növbəti həftənin bazar ertəsi günü, yəni yanvarın 22-si iş günü hesab ediləcək.
Qeyd edək ki, 2018-ci ildə 1, 2 yanvar – Yeni il bayramı, 20 Yanvar – Ümumxalq Hüzn Günü, 8 Mart – Qadınlar Günü, 20, 21, 22, 23, 24 mart – Novruz bayramı, 9 May – Faşizm üzərində Qələbə günü, 28 May – Respublika Günü

Ərdoğana tarixi dəstək – MHP açıqladı

“Prezident seçkisində Rəcəb Tayyib Ərdoğanın namizədliyini dəstəkləmək barədə qərar qəbul edəcəyik”. Bunu müxalif Milliyyətçi Hərəkat Partiyasının (MHP) sədri Dövlət Baxçalı Ankarada keçirdiyi mətbuat konfransında deyib. Ölkənin Böyük Millət Məclisində təmsil olunan dörd partiyadan biri olan və 2002-dən indiyədək hakim Ədalət və İnkişaf Partiyasına qarşı müxalifət mövqeyindən çıxış edən D.Baxçalı bildirib […]

XƏBƏRDARLIQ: Temperatur 6 dərəcə enəcək – Qar yağacaq

Bakıda və Abşeron yarımadasında yanvarın 9-u axşamdan 10-u gündüzədək hava şəraitinin qeyri-sabit olacağı, arabir yağış yağacağı, bəzi yerlərdə sulu qara keçəcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən  verilən məlumata görə, güclü şimal-qərb küləyi əsəcək. Havanın temperaturu ötən günlərlə müqayisədə 4-6 dərəcə aşağı enəcək.
Azərbaycanın rayonlarında yanvarın 9-u axşamdan 11-i səhərədək hava şəraitinin qeyri-sabit keçəcəyi, arabir yağış, dağlıq və dağətəyi rayonlarda qar yağacağı, bəzi yerlərdə intensiv olacağı gözlənilir.

Qərb küləyi əsəcək, ayrı-ayrı yerlərdə arabir güclənəcək. Havanın temperaturu ötən günlərlə müqayisədə 4-6 dərəcə aşağı enəcək.

Petrosyanın “Qarabağı qaytaraq” tələbi gündəmdə – Güzəşt…

“Ermənistan milli konqresi” partiyası Dağlıq Qarabağ münaqişəsinin nizama salınması ilə bağlı partiyanın lideri Levon Ter-Petrosyanın əvvəlki mövqeyini dəstəkləyir.

Bu barədə partiyanın mətbuat katibi Arman Musinyan deyib.

Onun sözlərinə görə, “Erməni milli konqresi” Ter-Petrosyanın 2016-cı ilin 17 dekabrında keçirilən partiya qurultayında münaqişənin həlli ilə bağlı irəli sürdüyü təklifi ən unikal variant hesab edir.

Qeyd edək ki, Ter-Petrosyan qurultayda çıxışı zamanı Ermənistanın düşdüyü acınacaqlı vəziyyətdən xilas olması üçün Qarabağ münaqişəsinin sürətli həllinin vacib olduğunu açıqlamışdı.

“Təhlükəsizliyin təmini, iqtisadi inkişaf və Ermənistanda demoqrafik vəziyyəti yaxşılaşdırmaq üçün Qarabağ münaqişəsi həll olunmalı, eləcə də Türkiyə ilə münasibətlər normallaşmalıdır. Danışıqlar masasında faktiki olaraq 1997-ci ildəki güzəştli niz

Erməni ordusu Qarabağda itki verdi

Ermənistan ordusunun işğal altında olan Azərbaycan torpaqlarında yerləşən qoşun birləşmələrinin bir hərbi hissəsində əsgər ölümü baş verib.

Yanvarın 7-də, saat 13.20-də Azərbaycan ordusunun açdığı cavab atəşi nəticəsində 1998-ci il təvəllüdlü erməni hərbçisi Vaçe Çilinqaryan məhv edilib.

Qeyd edək ki, düşmənin Hadrutdakı müqaviləli hərbçilərindən biri isə dəm qazından zəhərlənərək ölüb. Onun dəfn mərasimi bu gün Ermənistanda təşkil ediləcək.   /Musavat.com/

Rusiya böyük savaşa hazırlaşır – General

Rusiya NATO-ya üzv ölkələrə qarşı hərbi fəaliyyətlərə hazırlaşır.

Bunu “Bild” qəzetinə müsahibəsində Estoniya Silahlı Qüvvələrinin komandanı, general-leytenant Rixo Terras söyləyib. Onun sözlərinə görə, “Qərb-2017” hərbi təlimi zamanı Moskva NATO-ya qarşı Avropada genişmiqyaslı hərbi kampaniya ssenarisi üzərində işləyib.

“Bu, təkcə Baltikyanı dövlətlərə qarşı yönəlməyib. Buraya Şimaldan Qara dənizə qədər bütün dövlətlər daxildir. Bizim ordumuz istənilən ssenariyə qarşı effektiv reaksiyaya hazırdır”.   /Axar.az/

NATO və Rusiya hərbi rəhbərləri Bakıda görüşəcək

NATO-nun Avropada Birləşmiş Silahlı Qüvvələrinin (BSQ) Ali Baş Komandanı general Kertis Skaparroti Rusiya Silahlı Qüvvələrinin Baş Qərargah rəisi general Valeriy Gerasimov ilə görüşəcək.

Bu barədə “BuzzFeed” portalı adı çəkilməyən ABŞ və Avropanın vəzifəli şəxslərinə istinadən məlumat yayıb.

Məlumata əsasən, görüş yanvar ayında Bakıda keçiriləcək.

“Bu, sabiq ABŞ prezidenti Barak Obamanın 2013-cü ildə NATO BSQ rəhbərinə rusiyalı həmkarı ilə şəxsi əlaqələrə qoyduğu qadağadan sonra ilk görüş olacaq”, məlumatda vurğulanıb.

Qeyd edək ki, ötən ilin fevralında Rusiya Silahlı Qüvvələrinin Baş Qərargah rəisi Valeri Gerasimov və ABŞ Silahlı Qüvvələrinin qərargah rəisləri komitəsinin sədri Cozef Danfordun görüşü Bakıda keçirilib. Sentyabrda isə Valeri Gerasimov Bakıda NATO Hərbi Komitəsinin rəhbəri Petr Pavel ilə görüşüb.   

Azərbaycanlıların qohum qız alma sevdasının QORXUNC ÜZÜ

Dünyada qohum evlilikləri ilə illərdir aparılan mübarizə öz nəticəsini göstərsə də, Azərbaycanda hələ də azalmaq bilmir. Əsasən rayon yerlərində hamı özünün yaxın qohumunun qızını gəlin olaraq evinə gətirməyə çalışır. Yaxın qohum olmadıqda isə, uzaq da olsa, oğlunu “özününkülərdən” biri ilə evləndirir. Lakin ailələr təkrak-təkrar qan bağı olan evliliklərdən dünyaya gələcək uşaqların qüsurlu ola bilmə ehtimalını qulaqardı edir.

Medicina.az bildirir ki, araşdırmalar göstərir ki, yad insanların evliliyi zamanı uşaqların qüsurlu doğulma riski 2-4 faizdirsə, qohum evliliklərində bu göstərici 4-8 faizdir. Dünyanın bəzi ölkələrində genofondun təmizliyini təmin etmək məqsədilə qohum evliliyi təmamilə qadağan edilib. Almaniya, ABŞ-ın 24 ştatında əmiqızı-əmioğlu evliliyi təmamilə yolverilməzdir. ABŞ-ın bəzi ştatlarında qohum evliliyi 56%- təşkil edir. Bu gös

GENERAL CAVANŞİR MƏMMƏDOVA AĞIR İTKİ ÜZ VERİB

  Azəbaycan Respublikası Daxili İşlər Nazirliyinin Baş İctimai Təhlükəsizlik İdarəsinin sabiq rəisi, hazırda təqaüddə olan polis general-mayoru cənab Cavanşir Məmmədova ağır itgi üz verib. General-mayor Cavanşir Məmmədovun böyük qardaşı PAŞA MÜƏLLİM 2018-ci il yanvarın 7-də vəfat edib.Cavanşir Məmmədova qardaşının vəfatından kədərləndiyimizi bildirir, mərhumun ailəsinə, yaxınlarına və bütün doğmalarına dərin hüznlə […]

22 yaşlı gəncin sevdiyi qıza qarşı iyrənc planı: Videoya çəkib şantaj etdilər və…

İki gənc sevdiyi qızlara qarşı iyrənc plan qurublar. Amma bu plan onları dəmir barmaqlıqlar arxasına aparıb. Onlar yetkinlik yaşına çatmayan qıza qarşı zor tətbiq edərək onun videogörüntüsünü çəkiblər. Daha sonra isə onu şantaj edərək pul tələb ediblər.

Şəki Ağır Cinayətlər Məhkəməsində 1995-ci il təvəllüdlü Leysan Qocayev və 1996-cı il təvəllüdlü Orxan Əlizadənin Cinayət işi üzrə məhkəmə iclası başa çatıb.

Leysan Qocayev Cinayət Məcəlləsinin (CM) 150.2.1 (qabaqcadan əlbir olan bir qrup şəxs və ya mütəşəkkil dəstə tərəfindən seksual xarakterli zorakılıq hərəkətləri törətmək), 150.2.3 (təqsirkar üçün aşkar surətdə yetkinlik yaşına çatmayan şəxs barəsində seksual xarakterli zorakılıq hərəkətləri etmək) və 182.2.1-ci (hədə-qorxu ilə tələb etmə, qabaqcadan əlbir olan bir qrup şəxs tərəfindən törədildikdə) maddələri ilə təqsirli bilinib.

Toydan qaçırıb zorla… – VİDEO

Hindistanda bir toyda iştirak edən adam mərasimdən qaçırılıb tanımadığı qadınla evlənməyə məcbur edilib.

Adı açıqlanmayan adamın silah gücünə baş tutan evlilik mərasiminin sosial mediada paylaşılan görüntüləri minlərlə insanın müzakirə mövzusuna çevrilib.
26 yaşlı çarəsiz adam şok edici videoda onu qaçıranlara yalvararkən görüntülənib.    /Moderator.az/

Prezident 5 min nəfəri vətəndaşlıqdan məhrum etdi

Prezident Pyotr Poroşenko 2017-ci ildə 5 mindən çox insanı Ukrayna vətəndaşlığından məhrum edib.

Bu barədə məlumatı dövlət başçısının administrasiyası yayıb.

“Vətəndaşlığın dayandırılması haqqında fərmanlar 4296 nəfərin vətəndaşlıqdan çıxması, 47 nəfərin vətəndaşlığını itirməsi nəticəsində və 825 nəfərə qarşı beynəlxalq müqavilələrlə nəzərdə tutulmuş əsaslar üzrə verilib”, – deyə bəyanatda bildirilir.

Eyni zamanda ötən il cəmi 957 nəfərə bu ölkənin vətəndaşlığı verilib.

1991-ci ildən Ukrayna əhalisi 9,5 milyon nəfər azalıb.

Bin Ladenin 3 oğlu İranda – FOTO

Səudiyyə Ərəbistanın “Əl-Arabiya” kanalı 2009-cu ildə çəkilmiş bir fotonu yayımlayıb.

Fotoda “Əl Qaidə” terror təşkilatının öldürülmüş lideri Üsamə Bin Ladenin 3 oğlu – Həmzə, Laden və Məhəmməd yer alıb.

Kanal iddia edib ki, foto 2009-cu ildə İranda çəkilib. Bu şəkildən sonra Bin Ladenin oğulları İranı tərk edərək bir-birilərindən ayrılıblar.

Qeyd edək ki, 2011-ci ildə ABŞ tərəfindən öldürülən Bin Ladenin ölümündən öncə Həmzəni terror təşkilatının liderliyinə hazırlayırmış.

ABŞ Həmzə Bin Ladeni atasının ölümündən sonra ən təhlükəli terrorçular siyahısına salıb.   /Qaynarinfo.az/

İrandan NÖVBƏTİ ADDIM: İngilis dilinin tədrisinə QADAĞA

İranda orta məktəblərdə ingilis dilinin tədrisi qadağan edilib.

Bu haqda “Reuters” agentliyi məlumat yayıb.

İran Təhsil Nazirliyinin rəsmisi Mehdi Navid-Ədhəminin sözlərinə görə, ölkənin ali dini rəhbəri Əli Hüseyni Xamenei bildirib ki, ingilis dilinin öyrənilməsi qərb “mədəniyyətinin ekspansiyası”na yol açır.

“Dövlət və özəl orta məktəblərində ingilis dilinin rəsmi tədrisi qanun və normativ aktları pozur”, – İranın Ali Təhsil Şurasının rəhbəri Mehdi Navid-Ədhəm deyib.    /A24.Az/

Rayonlarda avtomobillərin qiyməti bahalaşıb – Səbəbi isə… – VİDEO

Bölgələrdə maşınların qiyməti bahalaşıb.

Artım daha çox ikinci əl avtomobillərin qiymətində müşayət olunur.

Ən böyük maşın bazarlarından biri olan Bərdənin avtomobil bazarında həftədə iki dəfə satış həyata keçirilir. Bazarda ən çox qiymət artımı ikinci əl və ya Rusiya istehsalı olan avtomobillərdədir. Bazarda daha çox buraxılış ili köhnə olan maşınlara rast gəlinir. Ən çox satılan da bu avtomobillərdir.

Qiymətin bahalaşması isə alıcılıq qabiliyyətinə təsir göstərməyib. Satıcılar yaxın günlərdə avtomobillərin qiymətinin daha da bahalaşacağını deyir. Buna səbəb kimi avtomobil rüsumlarının artmasıdır.   /Xezerxeber/

Yəhudi ekstrasens: “III Dünya savaşı belə başlayacaq”

Üçüncü Dünya Müharibəsi Şimali Koreyanın Cənubi Koreyaya hücumu ilə başlaya bilər.

Bu proqnozla məşhur ravvin və ekstrasens Levi Saadiya Naxmani çıxış edib. Onun sözlərinə görə, bu savaş dünyanı məhv edə bilər:

“Şimali Koreya müharibədə nüvə açarı rolunu oynayacaq. Nə Suriya, nə Persiya, nə Babil, nə də Qəzzafi. Buraya Şimali Koreya gələcək”.

O bu fikri səsləndirməsinə əsas səbəb kimi ivrit dilindəki Seul kimi olaraq yazılan cəhənnəm sözünün Bibliyada sonuncu müharibə kimi göstərilməsi olduğunu bildirib.   /Axar.az/ 

MARAQLI: Banklar bağlanır: Borclar da “bağlanır”?

Lisenziyası ləğv olunan banklara borcu olan vətəndaşlar müəmma içindədir. Belə ki, borclu vətəndaşlar fəaliyyətini dayandıran banklara ödənişi necə etmək haqqında qərar verə bilmirlər. Fikir ayrılığına səbəb olan əsas məsələ həmin borcların hansı şərtlərlə ödənilməsidir. Borclular bankın bağlanmasını bir növ “sevinc”lə qarşılayırlar. Onlar hesab edir ki, bank bağlandığı üçün onlardan borcu geri tələb edən də olmayacaq.

Məlumdur ki, bank müflis olduğu halda ləğvetmə prosesində bütün öhdəlikləri ləğvediciyə (Əmanətlərin Sığortalanması Fondu-müəl.) keçir. Ancaq bank haqqında qanunda müəyyən boşluqlar mövcuddur. Belə ki, müflis olan bank bütün öhdəliklərindən azad olur, borclular isə öhdəliklərini tamamlamaq məcburiyyətindədir. Qeyd edək ki, ləğv olunan bank, hətta zamanında cəlb etdiyi sığortalı və sığortasız əmanətlərin qaytarılmasında da

SON DƏQİQƏ: İranda növbəti güclü zəlzələ: 51 nəfər…

Bu gün İranın İraqla sərhədi yaxınlığında 5,1 bal gücündə zəlzələ baş verib.

Avropa Aralıq dənizi Seysmoloji Mərkəzinin məlumatına görə, yeraltı təkanlar Sərpol Zəhab şəhərindən 8 kilometr cənub-şərqdə qeydə alınıb.

Zəlzələ ocağının yerin 40 kilometr dərinliyində yerləşdiyi bildirilir.

Həlak olanlar və dağıntılar barədə hələlik məlumat verilmir.

***

İranın Kirmanşah vilayətindəki zəlzələ nəticəsində xəsarət alanların sayı 51 nəfərə çatıb.    /Axar.az/

Ankaranın yeni Qərb siyasəti: Bakı üçün şans…

2018-ci ildə Rusiya-ABŞ münasibətləri daha da gərginləşəcək. Bu isə bölgədəki geosiyasi duruma təsirsiz ötüşməyəcək.

Bunu Axar.az-a açıqlamasında sabiq dövlət müşaviri Qabil Hüseynli deyib. Politoloq geosiyasi hadisələrin gərgin məcrada inkişaf etdiyini vurğulayıb:

“Bir çoxları hesab edir ki, Türkiyənin son zamanlar NATO-dan kənar siyasət yürütməsi və bu fonda Rusiya ilə sıx yaxınlaşması Ankaraya müəyyən təsirlər yarada bilər. Əslində, bu, öncədən bəlli idi. İran ABŞ-ın hədəfində olan ikinci ölkədir. Ona görə də Türkiyənin İran hərəkatı ilə bağlı nümayiş etdirdiyi mövqe birmənalı qarşılanmır. Ancaq hesab edirəm ki, Türkiyə ətrafında, eləcə də xarici siyasətində yol verdiyi nöqsanları düzəltmək üçün bir sıra cəhdlər edəcək. Elə Türkiyə prezidentinin Fransaya səfəri və orada Fransa və İtaliyanın ortaq şirkəti ol

Şimali Koreya liderindən VACİB SƏRƏNCAM – Bu ölkə ilə…

Koreya Xalq Demokratik Respublikası lideri Kim Çen In Cənubi Koreya ilə münasibətlərin yaxşılaşdırılması üçün şərait yaradılması barədə sərəncam verib.
Bu barədə Koreya Mərkəzi Teleqraf Agentliyinə istinadən TASS məlumat yayıb.
“Dövlət başçısı dəqiq şəkildə ifadə edib ki, ölkəmiz müstəqil birlik işində sıçrayış etməyə imkan verən siyasəti qətiyyətlə dəstəkləməlidir”, – deyə məlumatın mətnində bildirilir.
Eyni zamanda qeyd olunur ki, Şimali Koreya lideri keçmişi qurdalamamağa, KXDR və Cənubi Koreya arasında münasibətlərin yaxşılaşdırılması istiqamətində işləməyə çağırıb:
“Keçmişi qurdalamaq və Seul ilə [qarşılıqlı münasibətləri] xatırlamağa gərək yoxdur. Bunun əvəzind, Şimal ilə Cənub arasında əlaqələri yaxşılaşdırmaq lazımdır”.   /Report/

Türklərin ən çox sevdiyi lider – Azərbaycanlılar Atatürkü seçdi

Türk Cümhuriyyətlərindən 6 ölkədə aparılan anketin diqqət çəkən nəticələri ortaya çıxıb.

Azərbaycan, Türkiyə, Qırğızıstan, Qazaxıstan, Özbəkistan və Türkmənistanda yaşı 18-dən yuxarı olan 500 nəfərə 60 sual verilib.

Verilən suallardan biri isə “Türk dünyasında “Tarixi və dövlət adamlarından kimi tanıyırsınız?” olub. Verilən cavablar arasında çoxluq təşkil edəni Atatürk və Nazarbayev çıxıb. Atatürkün adının ən çox hallandığı ölkə isə Azərbaycan olub. Azərbaycanlıların 77,8 faizi Atatürkü ən çox sevilən dövlət adamı olaraq bildirib. Orta Asya dövlət başçıları arasında Nazarbayev yüksək xal qazanan lider olub. Qırğızıstan isə Ərdoğanı seçib.

Bundan başqa turizmlə bağlı verilən sualda da bütün ölkələr Türkiyəni seçib. Müqəddəs torpaqlarla bağlı sualda Azərbaycan Çanaqqala, İstanbul, Sultanəhməd və Ayasofyanı