İysiz, ağrısız ölüm təhlükəsi – FHN əhaliyə müraciət etdi

Fövqəladə Hallar Nazirliyi dəm qazı təhlükəsi ilə əlaqədar əhaliyə müraciət edib.

Turkustan.info-nun məlumatına görə, müraciətdə bildirilir ki, qış mövsümü ilə əlaqədar əhalinin təbii qaza olan tələbatının artması fonunda qaz cihazlarından istifadə zamanı təhlükəsizlik qaydalarının pozulması dəm qazı təhlükəsi yaradır.
Bu səbəbdəni, ölümlə nəticələnə bilən bu təhlükə ilə üzləşməmək üçün aşağıda göstərilən qaydalara əməl edilməlidir:
– qaz cihazı saz və standartlara uyğun olmalı;
– cihaz olan məkanın hündürlüyü 2 metr 20 santimetrdən az olmamalı;
– havaçəkən sistem işləməli, nəfəslik açıq olmalı;
– hamam otağında ventilyasiya borusu, qapının aşağısında dəliklər olmalı;
– tüstü bacaları ildə iki dəfə təmizlənməlidir.
Eyni zamanda, yadda saxlamaq lazımdır ki, dəm qazı iysizdir, hiss edilmir!
Ondan zəhərlənmənin əlamətləri: baş ağrısı, baş gicəllənməsi, ürək bulanması, halsızlıq.
Dəm qazından zəhərlənmiş insanı təmiz havaya çıxarıb, nəfəsalmasını çətinləşdirən geyimlərdən azad etmək, təcili tibbi yardım çağırmaq lazımdır!
Unutmayın: Qaydalara biganəlik – həyatımıza təhlükədir!
Təhlükə zamanı 112-yə zəng edin!

/BakuPost/