Dövlət Departamenti: “Türkiyənin Suriya əməliyyatı bölgədə vəziyyəti gərginləşdirə bilər”

Türkiyənin Suriyanın Afrin bölgəsində əməliyyat keçirməsi bölgədə vəziyyəti gərginləşdirə bilər.

APA-nın RİA Novosti agentliyinə istinadən verdiyi xəbərə görə, bunu ABŞ Dövlət Departamentinin nümayəndəsi bəyan edib.

“Düşünmürük ki, Afrində hərbi əməliyyat keçirilsə, bu Suriyada və regionda sabitliyə xidmət edəcək. Türkiyənin Suriyada əməliyyat keçirməsi bölgədə vəziyyəti gərginləşdirə bilər”, deyə Dövlət Departamentinin rəsmisi vurğulayıb.