Bərzani yenə Türkiyəyə qarşı: Peşmərgə Afrinə göndərilir

İraq Kürd Muxtariyyəti Afrindəki kürdlərə Türkiyə ilə mübarizə aparmaq üçün yardım etməyə hazırdır.

Turkustan.info xəbər verir ki, bunu jurnalistlərə açıqlamasında İraq Kürd Muxtariyyətinin hakim Kürdüstan Vətəndaş Birliyi Partiyasının rəsmi nümayəndəsi Mala Bəxtiyar söyləyib. Onun sözlərinə görə, muxtariyyət Afrinə hərbi birləşmələrini göndərməyə hazırdır:

“Region ölkələri o cümlədən Türkiyə bizim mövqeyimizi bilir. Əgər bacarsaq, biz Afrinə dəstəyə hazırıq. Əgər onlar izn versələr, biz oraya qüvvələrimizi göndərəcəyik. Hərbi birləşmələrimizi göndərməzdən əvvəl isə biz nümayəndələrimizi Ankaraya göndərəcəyik. Biz müharibədə dialoqa üstünlük veririk”.    /Axar.az/