Həm həkimlər, həm pasiyentlər, həm əczaçılar yaxşı bilir ki, müasir farmakologiya daha çox gəlir əldə etmək üçün çarpışır, köhnə dərmanlara yeni ad, görkəm verərək istehsal edir. 10 illərdir mövcud olan standart dərmanlar var ki, onlarla eyni tərkibdə olan analoji preparatlar bazarı zəbt edib. Bəzən həkimə bu ağrıkəsicinin daha ucuzunu yaz deyəndə, avtomatik olaraq həmin dərmanın əvəzedicisini yazır. 

 
Hazırda pasiyentin cibinə daha çox girməyi qarşısına məqsəd qoymuş farmakologiya imperiyası nədənsə həkimləri də təsiri altına alıb. Çünki çox həkimlər öskürək, qarınağrı dərmanı,  mədə dərmanının qəpik-quruşa olan alternativini bilsələr də, reseptə müasir preparatları -bahalı olanı yazırlar.