TRT Bakı nümayəndəliyinin rəhbəri “Beynəlxalq Jurnalistika Məktəbi”ndə

“Beynəlxalq Jurnalistika Məktəbi”nin növbəti təlimi keçirilib. Layihənin budəfəki görüşü “Müasir TV jurnalistikasında xəbər standartları” mövzusunda baş tutub. 

Turkustan.info Unikal.org-a istinadən xəbər verir ki, Layihə rəhbərlərindən olan, Jurnalistika fakültəsinin dekanı, dosent Vüqar Əliyev TRT-nin Bakı nümayəndəliyinin rəhbəri Murat Akkoça Bakı Dövlət Universiteti Jurnalistika fakültəsinin tarixi, inkişafı ilə bağlı məlumat verərək görüşü açıq elan edib. Daha sonra M.Akkoç TRT-nin formalaşması, onun Türkiyə televiziya məkanında yeri və rolu, bugünki vəziyyəti, yenilikləri ilə bağlı iştirakçılara məlumat verib.

TRT-nin müxtəlif qurumlarının fəaliyyətindən danışan təlimçi tələbələrlə TV jurnalistikası, onun əsasları və xəbərlər-verilişlərin standartları haqqında da söhbət edib. O, həmçinin, iştirakçılarla öz təcrübəsini və Türkiyədəki yeni medianın özəlliklərini bölüşüb.

Həmçinin Anadolu Agentliyinin Istanbul bölgə müdiri Hüseyin Altınalan da tələbələrlə görüşərək öz təcrübəsini bölüşüb. Görüşdə BDU-nun jurnalistika fakültəsinin müəllimləri və “Beynəlxalq Jurnalistika Məktəbi”nin tələbə heyəti iştirak edib.