İnsan xərçəngə qalib gələcək – Azərbaycanlı həkim

Məşhur “Genome Project”-nin aparıcı genetikləri iddia edir ki, 10 il sonra xərçəng hüceyrələrinə və radiasiyaya dözümlü insan hüceyerələri yaradılacaq.

Bununla bağlı Sputnik.az-a açıqlama verən həkim Adil Qeybulla deyib ki, alimlərin iddiaları elmi faktlara əsaslandığı üçün ciddi qəbul olunmalıdır:

“Bizim gözümüzün qarşısında olan bəzi heyvanların dözümlülüyü artıq sübut olunub. Ümumiyyətlə atmosferdə baş verən dəyişikliklərdən qorunmaq üçün heyvanların orqanizmində müdafiə reaksiyaları var. Bunları insana tətbiq etmək nəzəri cəhətdən mümkündür. Ehtimal var ki, gələcəkdə bunu praktik şəkildə həyata keçirmək mümkün olsun”.