ABŞ-ı qorxuya salan Rusiyanın yeni silahı – S-500-lər sınaqdan keçirildi

ABŞ kəşfiyyatı Rusiyanın Almaz Antey S-500 tipli yeni nəsil hava müdafiə sistemini sınaqdan keçirdiyini iddia edib.
ABŞ mətbuatına açıqlama verən ABŞ-ın yüksək rütbəli kəşfiyyat xadimi Rusiya prezidenti Putinin S-500 istehsalına dair açıqlamasından az sonra yeni sistemin sınaqdan keçirildiyini bildirib.
“600 kilometr mənzilə sahib olan S-500 raket sistemi 481 kilometr uzaqlıqdakı hədəfi uğurla məhv edə bilib. Bu dünyada yeni rekorddur”, deyə kəşfiyyatçı bildirib.
Rusiya silah sənayesinin ən son məhsulu olan S-500-lə 600 kilometri hədəflədiyi halda ABŞ-ın müdafiə sistemi (THAAD) 200 kilometr mənzilə yetişə bilir.
S-500 “Prometey” və “Аntey-4000” yeni zenit-raket kompleksləri Rusiyanın kosmik hava müdafiə mövqelərinin qorumaq üçün yaradılan vahid milli sistemlərdir. Ancaq onların real imkanları haqqında rəsmi məlumat verilmir.
“Almaz-Antey” Hava-Kosmik Müdafiəsi şirkətinin istehsal-texnologiya siyasəti üzrə baş direktor müavini Aleksandr Vedrov daha öncə mətbuata açıqlamasında bildirib ki, yeni silahların istismarı 2019-cu il üçün nəzərdə tutulub. S-500 “Prometey” təyyarələri, pilotsuz uçuş aparatlarını və hipersəsli qanadlı raketləri vurma qabiliyyətlidir.   /ednews.net/az