7 məscid bağlanır, imamlar deportasiya edilir

Avstriyanın qərarı Türkiyəni hiddətləndirdi

Avstriya 7 məscid bağlanacaq. Mühafizəkar hökumət xaricdən maliyyə alan imamların deportasiya edib, məscidləri də bağlayacaq.

Turkustan.info məlumatına görə, bunu baş nazir Sebastian Kurz deyib. Onun sözlərinə görə, bağlanması haqqında qərar verilən məscidlərin arasında paytaxt Vyanadakı Antonsplatz ünvanındakı ibadət ocağı da var. Bundan başqa 11 imam ölkədən deportasiya ediləcək. Daha 40 din xadiminin Avstriyada yaşamaq iznini itirə biləcəyi bildiirlir. İbadət ocaqları İslam qanuna uyğun gəlmədikləri üçün bağlanır. 

2016-cı ildə Türkiyənin də maddi yardım göstərdiyi məsciddə Çanaqqala savaşının canlandırılması ölkənin gündəmində böyük yer tutmuşdu. Baş nazir Vyanadakı məsciddə uşaqların əsgər və şəhid rollarını canlandırmasından sonra müvafiq qərarın verildiyini bildirib. 

Avstriyanın bu qərarına ilk reaksiyanı Türkiyə prezident sarayının sözcüsü İbrahim Kalın verib. O, “Twitter” səhifəsində öz iradını bildirib: “Avstriyanın sudan səbəblərə görə yeddi məscidi bağlaması və imamları deportasiya etməsi bu ölkədə İslama qarşı irqçili və ayrıseçkilik dalğasının nəticəsidir”.  /İstiPress/