İlham Əliyev Moskvaya gedir

Prezident İlham Əliyev 14-15 iyunda Rusiyada keçiriləcək futbol üzrə dünya çempionatının açılış mərasimində iştirak edəcək.

Turkustan.info xəbər verir ki, bu barədə “RİA Novosti” yazıb. “Bəli, İlham Əliyev açılış mərasimə gələcək”,- deyə mənbə bildirib. 

Məlumata görə, Azərbaycan lideri açılış mərasimilə yanaşı ilk yarışı da izləyəcək.

Xatırladaq ki, açılış mərasimi 14 iyunda Moskvanın “Lujniki” stadionunda olacaq. Bundan sonra turnirin ilk yarışı Rusiya və Səudiyyə Ərəbistanı arasında keçiriləcək.  /Cebhe.info/