Xərçəngin inkişaf etməsini dayandıran dərman

ABŞ-ın Oreqon Universitetinin mütəxəssisləri 4 tip xərçəngin inkişaf etməsini dayandıracaq bir dərman hazırladı. Elm adamları bu dərmanın sinə, prostat, yoğun bağırsaq və ağciyər xərçənglərinin inkişaf etməsini dayandırdığını bildirdi.
Amerikalı elm adamları erkən diaqnoz qoyulduğu hallarda yeni hazırlanmış bu dərmanla sinə, prostat, yoğun bağırsaq və ağciyər xərçənglərinə tutulan şəxslərin həyatlarının xilas ola biləcəyini söylədi.
Genetik olaraq dəyişdirilmiş xərçəngli siçanlar üzərində aparılan araşdırmalarda KBU2046 dərmanının şiş metastazlarını yox etdiyi müşahidə edildi.
Həmçinin dərmanın əks təsirinin olmadığı iddia edilir. Araşdırmanı aparan doktor Reymond Berqan bu barədə belə dedi: “Dərman zülalla birləşir və zülal üzərində mənfi bir təsir meydana gətirmədən hüceyrələrin hərəkət etməsinə maneə törədir”.  /deyerler.org/