Paytaxt sakinləri dəhşətli xəbərlə oyandılar

Qəza nəticəsində 1 nəfər ölüb, 10-dan artıq şəxs müxtəlif dərəcəli xəsarət alıb

Bu gün səhər saatlarında Bakı-Qazax avtomagistralının 21-ci kilometrliyində ağır yol qəza hadisəsi baş verib. Bakı Nəqliyyat Agentliyindən  verilən məlumata görə, qəza 90-OJ-802 DQN yük maşının 10-TF-383 DQN sərnişin avtobusuna çırpılması nəticəsində yaşanıb.

Bakı-Qazax yolunun 21-ci kilometrliyində yük maşını sərnişin avtobusuna çırpılıb

Hadisəyə səbəb yük maşınının sürücüsünün sükan arxasında yuxuya getməsi olub. Belə ki, yük maşını hərəkətdə olan avtobusa gəldiyi sürətlə çırpılıb, nəticədə, sərnişin avtobusu bir neçə dəfə aşıb.

Bakı-Qazax yolunun 21-ci kilometrliyində yük maşını sərnişin avtobusuna çırpılıb

Hazırda Bakı Nəqliyyat Agentliyinin əməkdaşları hadisə yerindədir. Qəza nəticəsində 1 nəfər ölüb, 10-dan artıq şəxs müxtəlif dərəcəli xəsarət alıb. Xəsarət alanların vəziyyətini öyrənmək üçün BNA əməkdaşları hazırda yaralıların olduğu xəstəxanalardadır.

Səhiyyə Nazirliyinin mətbuat xidmətinin rəhbəri Pərviz Abubəkirov ölən şəxsin qadın olduğunu bildirib. Deyib ki, qadın hadisə yerindəcə dünyasını dəyişib. Xəsarət alanlardan 7 nəfər Kliniki Tibbi Mərkəzə, 1 nəfər Respublika Kliniki Xəstəxanasına, 3 nəfər Ələtdəki xəstəxanaya yerləşdirilib, 2 nəfərə yerindəcə ilkin yardım göstərilib.   /sputnik.az/