ABŞ Səfirliyi Türkiyə polisinə təşəkkür etdi

ABŞ-ın Ankaradakı Səfirliyinə Türkiyə saatı ilə 5:00 radələrində kimliyi bilinməyən şəxslər tərəfindən silahlı hücum edilib.

Turkustan.info Türkiyə mediasına istinadla xəbər verir ki, Atatürk bulvarında dayanan avtomobildən səfirliyin binasının 6 nömrəli qapısındakı təhlükəsizlik xidmətinin olduğu kabinəyə atəş açıb.

Hadisə ilə bağlı Ankara valiliyindən verilən açıqlamada səfirliyin təhlükəsizlik bölməsi istiqamətində altı dəfə atəş edildiyi və ölüm faktının qeydə alınmadığı deyilib.

ABŞ Səfirliyinin sözçüsü David Gainer də hadisəni təsdiqləyərək “detalların araşdırıldığını” deyib.

Gainer “Türk polisinə cəld müdaxilələrinə görə təşəkkür edirik” deyib.

Səfirlik bayram səbəbi ilə bağlı olub.