ABŞ Paşinyanın arzusunu gözündə qoydu

Baş nazirin bəyanatları Amerikanı qəzəbləndirdi

ABŞ-da artıq Ermənistanın baş naziri Nikol Paşinyanla görüşmək istəmirlər. “Birləşmiş Ştatlarda Suriyaya “humanitar qoşunun” göndərilməsinin mənasını, Paşinyanın şəxsən münasibət bildirdiyi Ermənistandakı Amerika bioloji labaratoriyaları ilə bağlı qərarı anlamırlar. Ələxsusda onlar öncədən bu barədə məlumatlandırılmadıqları halda”. Bu barədə “Qaparaq” qəzeti yazır. 

Xatırladaq ki, “Komersant”a müsahibəsində Paşinyan Amerika labaratoriyalarına rusiyalı mütəxəssislərin buraxılmasına icazə verib və bildirib ki, gələcəkdə də belə səfərlərlə bağlı hər hansı problem olmayacaq. 

Nəşr yazır ki, baş nazirin belə bəyanatı Amerika tərəfinin qəzəbinə və anlaşılmazlığa səbəb olub. Onlar hesab edirlər ki, belə məsələlərdə ən azından paritetə riayət edilməlidir və onlar üçün də Rusiya labaratoriyaları açılmalıdır. 

“Bizim məlumatımıza görə, bunun nəticəsində erməni tərəfinə sentyabr ayında planlaşdırılan Tramp-Paşinyan görüşünün baş tutmayacağını anladılıb”.  /istipress.com/