100 yaşında cavan ölənlər, 70 yaşında ana olanlar — Hunza türklərinin həyat sirri

Müsəlman olan Hunza türkləri 110-120 il ömür sürürlər.

65 yaşında dünyasını dəyişənlərə, cavan öldü deyirlər. Onların qadınları 65-70 yaşda belə ana olurlar.

Turkustan.info Ölkə.Az-a istinadən Hunza Türklərinin həyat sirrlərini təqdim edir.

Hunza türkləri Çin və Əfqanıstan sərhəddində, Kəşmirin yaxınlığında yaşayırlar. Alimlərin araşdırmalarına görə, onlar Sibirdən Orta Asiyaya köç edən türk tayfalarındandırlar.

Onların uzun yaşamasının əsas səbəbi, dənizdən 6 min metr hündürlüktə yaşamaları, dağların saf suyu və təmiz havası ilə yanaşı özlərinin əkib-biçdikləri ilə qidalanmalarıdır.

Əsasən özlərinin qurutduqları təmiz meyvələrdən yeyirlər. Onlar arasında xərçəng xəstəliyinə yaxalananlar yoxdur.

Üstəlik onlar daha az yeməyə üstünlük verirlər. Yeməklərinin əsasını arpa, darı və buğda təşkil edir. Demək olar ki, bütün tərəvəzləri çiy yeyirlər.

Vegeterian olmasalar belə, ət onların günlük rasionunda çox az yer tutur.

Uzun yaşamalarının bir sirri isə daima hərəkətdə olmalarıdır.

Yoqa ilə məşğul olan bu tayfalar nəfəslərini belə yoqa texnikasına uyğun tənzimləyirlər.