Etimad İsmayılovun qətli ilə bağlı – Yeni xəbər

Azərbaycanlı iş adamı Etimad İsmayılovu Türkiyədə Floryadakı ofisində güllələyərək öldürən sabiq polis rəisi Gözəl Dəmirov və Barış adlı sürücüsü ilə bağlı yeni xəbər yayılıb.

Turkustan.info xəbər verir ki, Etimad İsmayılovu qətlə yetirən Gözəl Dəmirov və sürücüsünün İstanbul Təhlükəsizliik Müdirliyi İctimai Təhlükəsizlik Şöbəsindəki işinin məhkəməyə göndərildiyi məlum olub.

Qeyd edək ki, iş adamı Etimad İsmayılov sentyabrın 19-da başından 2, ürəyindən 1 güllə yarası alaraq dünyasını dəyişib. O, Azərbaycanın keçmiş baş prokuroru və ədliyyə naziri İlyas İsmayılovun oğlu, tanınmış jurnalist Sevil Nuriyevanın həyat yoldaşı idi.  /Teleqraf.com/