Alpaqutçılar Bakıda dünya çempionatı keçirir

24-25 Noyabr 2018-cı il tarixində Sərhədçi Olimpiya İdman Kompleksində Alpaqut Turan döyüş sənəti üzrə 1-ci dünya çempionatı keçiriləcək.
Bu barədə məlumatı Dünya Alpaqut Federasiyası idarə heyətinin sədri Vasif Namazov verib.
“Yarış Azərbaycan Gənclər və İdman Nazirliyi tərəfindən razılaşdırılaraq həyata keçirilir və açılış mərasiminə dövlət rəsmləri, millət vəkilləri, idman ustaları və ictimaiyyət nümayəndələri dəvət olunublar. Yarışda 18 ölkədən ibarət 500-ə qədər idmançı iştirak edəcək.
23.11.2018 saat 15:00-da Atatürk mərkəzində xarici ölkə nümayəndələri ilə birgə beynəlxalq mətbuat konfransı keçiriləcək. 24.11.2018 saat 15:00-da Sərhədçi Olimpiya Kompleksi yarışın təntənəli açılış və 25.11.2018 saat 18:00-da bağlanış mərasimi olacaq”.