Oş şəhəri Türk Dünyasının Mədəniyyət paytaxtı elan olundu

Qırğızıstanın qədim Oş şəhəri 2019-cu il üçün “Türk dünyasının mədəniyyət paytaxtı” elan olundu.

Bununla bağlı qərar dekabrın 18-də ölkəmizin Kastamonu şəhərində TÜRKSOY-a üzv ölkələrin Mədəniyyət Nazirləri Daimi Şurasının 36-cı iclasında qəbul edildi.

Mədəniyyət və turizm naziri Mehmet Nuri Ersoy Kastamonu şəhərində Tarixi Kurşunlu xanda keçirilən TÜRKSOY-a üzv ölkələrin Mədəniyyət Nazirləri Daimi Şurasının 36-cı iclasının bağlanış hissəsində etdiyi çıxışda koordinasiya vəzifəsini Qırğızıstana təhvil verdiklərini söylədi.

Bundan sonrakı yığıncağın Qırğızıstanın Oş şəhərində keçiriləcəyini vurğulayan nazir “Ümid edirəm ki, hamımız Oş şəhərində yenidən bir araya gələcəyik” dedi.

TÜRKSOY-un Baş katibi Düsen Kaseinov isə Qırğızıstanın Oş şəhərinin “2019 Türk Dünyasının Mədəniyyət Paytaxtı” olduğunu elan edərək hər kəsi bu şəhərə dəvət etdi.

Şeyx Şabanı Vəli ilə əlaqəli Qırğızıstanda müxtəlif tədbirlər keçiriləcəyini söyələn Kaseinov “Şeyx Şabanı Vəli ilə əlaqəli Türk Dünyasının Mədəniyyət Paytaxtı Oşda böyük bir konfrans olacaq. 2019 Türkiyənin xalq ozanı Aşıq Veysəl və Azərbaycanın məşhur şairi İmaməddin Nəsimi ili olacaq” deyə bildirdi.

TÜRKSOY rəsm sərgisinin açılışının da olduğu tədbirdə TÜRKSOY-ya üzv ölkələrin Mədəniyyət Nazirləri Daimi Şurasının 36-cı iclası ilə bağlı qərarlar və yekun bəyannamə imzalandı.

Proqramın yekununda Kastamonu Valiliyi tərəfindən nazir Ersoy ilə iclasa qatılan Türk dünyasının nümayəndələrinə, ayrıca (Türk dillərilə əlaqəli fəaliyyətlərilə tanınmış) “Mahmud Kaşğari” mövzulu hekayə yarışmasında uğur qazananlara mükafatlar təqdim olundu.

Oş şəhəri Türk Dünyasının Mədəniyyət paytaxtı elan olundu

125 Baxılıb