DİN-dən Tovuzdakı insidentlə bağlı – Açıqlama

Daxili İşlər Nazirliyi Tovuz rayonunda baş verən silahlı insident ilə bağlı açıqlama yayıb.

Turkustan.info xəbər verir ki, hadisə yanvarın 25-də baş verib.

Tovuz rayon Abulbəyli kənd sakini, 1993-cü il təvəllüdlü Fuad Rahim oğlu Əliyev özünə məxsus “Jİ-27” markalı tüfənglə qohumu, 1990-cı il təvəllüdlü Eldəniz Zirəddin oğlu Kazımovu sağ topuq nahiyəsindən güllələyib.

F.Əliyev daha sonra hadisə yerindən qaçsa da, Tovuz rayon polis şöbəsinin əməkdaşları tərəfindən keçirilən tədbirlər nəticəsində saxlanılaraq istintaqa cəlb olunub.

Hadisə zamanı istifadə edilən silah polis tərəfindən götürülüb.

Bir güllə yarası alan E.Kazımov isə Tovuz rayon Mərkəzi Xəstəxanasına yerləşdirilib, onun vəziyyətinin orta-ağır olduğu bildirilir.

Hadisəyə səbəb atın otlaq sahəsinə bağlanması olub. Tərəflər arasında buna görə yaranan etiraz mübahisə və qanlı hadisə ilə nəticələnib.

Faktla bağlı araşdırma aparılır.  /Teleqraf.com/

123 Baxılıb