Binəli Yıldırım istefa verdi

Türkiyə Böyük Millət Məclisinin sədri Binəli Yıldırım istefa verib. 

Bu barədə Anadolu Agentliyi məlumat yayıb.

“Bu gün mən Türkiyə Böyük Millət Məclisində tutduğum vəzifədən istefa verirəm”,- deyə o bildirib.

Qeyd edək ki, Binəli Yıldırım bu addımı İstanbulun bələdiyyə  başçısı postuna namizədliyini irəli sürmək üçün atıb. 

Türkiyədə bələdiyyə seçkiləri bu il martın 31-də keçiriləcək. Qonşu ölkədə bələdiyyə seçkiləri hər 5 ildən bir keçirilir.