Sərxoş azərbaycanlı təyyarədə dava saldı – Fotolar

Martın 11-də “Orenburq” hava limanında Moskvaya uçan təyyarədə azərbaycanlının iştirakı ilə xoşagəlməz hadisə yaşanıb. Turkustan.info xəbər verir ki, bu barədə Dövlət Dumasının Orenburq vilayətindən olan millət vəkili Yuriy Mişeryakov instaqram hesabında məlumat yayıb.

Vilayət mərkəzinin keçmiş merinin sözlərinə görə, sərxoş Azərbaycan vətəndaşı təyyarə uçmağa hazırlaşarkən göyərtədə dava salıb.

“Polis və sərnişinlərin köməyi ilə davakar şəxs təyyarədən endirilib. Uçuş təhlükəsiz şəraitdə davam edib”, – deyə o, bildirib.