Ca. İyl 18th, 2019

Eurovision 2019: Azərbaycan bugün çıxış edəcək

Bu gün İsrail paytaxtı Təl-Əvivdə keçiriləcək Eurovision 2019 Mahnı Müsabiqəsinin ikinci yarım-finalında Azərbaycan da iştirak edəcək. Bakı vaxtilə saat 23:00-da başlayacaq tədbirdə Çingiz Mustafayev “Truth” mahnısı ilə 18-ci sırada çıxış edəcək.

Azərbaycanla yanaşı, bu yarım-finalda onun qonşuları Ermənistan və Rusiya da çıxış edəcək. İlk yarım-finalda iştirak edən Gürcüstan finala çıxa bilməyib. Bu yarım-finalda 10 ölkə, səsvermə nəticələrinə əsasən mayın 18-də baş tutacaq finala çıxacaq.

Mahnı təqdim edildikdən sonra təxminən 15 dəqiqə səsvermə üçün zaman ayrılır. Telefon, SMS və ya Eurovision-ın rəsmi tətbiqi ilə səs vermək mümkündür. Qaydalara görə, izləyicilər yalnız ölkəsinin iştirak etdiyi yarımfinalda, öz ölkəsi istisna olmaqla, səs verə bilərlər. Bir nəfər 20 dəfə səs verə bilər, amma öz ölkəsinə yox.

Telesəslər nəticələrin 50 faizini təşkil edir. Digər 50 faizi hər ölkədən olan jüri tərəfindən verilmiş səslər nəticəsində bəlli olur. İlk yarım-final mayın 14-də keçirilib. Sayca 64-cü Eurovision Mahnı Müsabiqəsinin final isə 18 mayda keçiriləcək. Ötən il İsrailin təmsilçisi Netta “Toy” mahnısı ilə qalib gəldikdən sonra tədbirə sahiblik Təl-Əvivə keçib.

Lakin ölkənin insan haqlarının pozulması reytinqinə görə müğənnilər və media təşkilatçıları tədbiri boykot etməyə çağrılıb. Yanvar ayında Britaniyanın məşhurları Xanım Vivienne Westwood, Peter Gabriel, Roger Waters, Mike Leigh, Maxine Peake və Wolf Alice qrupu BBC-ə məktub yazaraq tədbiri işıqlandırmamağa çağrılıb.

Sənədi imzalayanlar İsraili Qərb sahili, şərqi Qüds və Qolan yüksəkliyinin işğalına görə tənqid ediblər.

“Eurovision ola bilər ki, yüngül əyləncədir, amma bu, insan haqlarını gözardı etmək üçün istisna deyil və biz İsrailin fələstinlilərin insan haqlarını sistemli pozmasına etinasız yanaşa bilmərik”. Başqaları isə təklif edilən boykota qarşı çıxıb. Onlar deyiblər ki, Eurovision-ın “birlik ruhu hücum altındadır”.

Müğənni Madonna da insan haqlarına görə İsraili boykot etməyə çağrılanlar arasında olub. Bu səbəbdən müsabiqənin fasiləsi zamanı iki mahnı ifa etməli olduğu iddia edilən müğənninin çıxışı sual altında qalıb.

Yarışma təşkilatçıları həmin vaxt bildirib ki, hələ müğənni ilə şou arasında müqavilə imzalanmayıb. Lakin mayın 16-da Madonna-nın final günü tədbirdə çıxış edəcəyi təsdiqlənib, Franse 24 kanalı İsrailin ictimai televiziyasına istinadən yazıb.