Be. İyl 22nd, 2019

Bu gün İmamoğlu-Binəli Yıldırım dueli olacaq – Debatın aparıcısı İsmayıl Küçükkayadan maraqlı açıqlamalar

Bu axşam Türkiyə vaxtı ilə saat 21.00-da İstanbul Bələdiyyə sədrliyi uğurunda üz-üzə gələn Binəli Yıldırımla Əkrəm İmamoğlu canlı yayımda debata çıxacaqlar.

Həm AKP, həm də CHP-nin razılaşmasına əsasən, debatın moderatorluğunu edəcək İsmail Küçükkaya axşamkı “duel”lə bağlı maraqlı açıqlamalar verib.

Moderator deyib ki, bir qrup var ki, onlar bu debatın baş tutmasını istəmirlər: “Mən Türkiyənin qazanmasını istəyirəm. Həmin qrup isə Türkiyənin qazanmasını deyil, qarışmasını istəyirlər. Məni təzyiq altında saxlamaq istəyənlərlə bağlı prokurorluq araşdırma aparır, onlar cavab verəcəklər”.

Küşükkaya etiraf edib ki, ondan əvvəl debatın moderatorluğu Uğur Dündara həvalə olunubmuş: “Onun adı ortaya çıxanda, mənim üçün bu məsələ qapandı. Çünki o, televiziya xəbərçiliyinin bir nömrəsi, canlı əfsanəsi, hər kəsin güvəndiyi bir peşəkardır, böyümüzdür. Lakin Uğur Dündar inanılmaz formada sosial mediada linc edildi deyə o, bunu qəbul etmədi, geri çəkildi. Bundan 10 saat sonra CHP qrup başqan vəkili Engin Altay mənə zəng etdi. O, AKP sədrinin köməkçisi Mahir Ünalla birlikdə olduğunu və “CHP və AKP sizin adınızda birləşdi” dedi. Bir an belə düşünmədən “qəbul edirəm” dedim.

Küşükkaya etiraf edib ki, anası qərarına qarşı çıxıb:

“Anam “qəbul etmə, oğlum. Bax, Uğur Dündar qəbul etmədi, o, sənin böyüyündür, həm də çox təcrübəlidir. Sən də girmə bu işə, övladım”dedi və geri çəkilməmi istədi. Amma mən anamı inandıra bildim”.

Küçükkaya deyib ki, debatla bağlı 18-20 sual hazırlayıb: “Mövzumuz bəllidir: İstanbul və seçki. Heç kim narahat olmasın, soruşulması vacib olan sualları verəcəyəm. Sadəcə, mənim deyil, xalqın maraqlandığı, cavab axtardığı sualları hazırlamışam. Bundan əlavə, hər ikisinə ayrı-ayrı 3 sualım olacaq. Əlimdə saniyə ölçən cihaz olacaq, hər suala 3 dəqiqəlk cavab haqqı tanıyacam”.

Küçükkaya deyib ki, həm Binəli Yıldırım, həm də Əkrəm İmamoğlu düşərgəsindən ona “nə istəsəniz, soruşa bilərsiniz” mesajı verilib: “Bir daha deyirəm, heç kəs narahat olmasın: çətin, yaxud asan sual deyil, soruşulması vacib olan suallarım olacaq.

Burada üslub çox önəmlidir. Əsla rahatsızedici üslubum olmayacaq. Proqramda bütün haqlar məndə olacaq. Tərəflərin bir-birlərinin sözlərini kəsməsinə də izn verməyəcəm”. (Strateq.az)