Bz. Yan 19th, 2020

Almaniyaya şok: PKK ölkəni belə çökdürür

PYD/PKK terror təşkilatının tərəfdarlarının Köln şəhərində keçirdikləri mitinqlər ölkə iqtisadiyyatına böyük zərər vurur.

Turkustan.info bildirir ki, bu barədə məlumat Almaniyanın Şimali Reyn-Vestfaliya vilayətinin “Ekspress” qəzetinin apardığı araşdırmada yer alıb.

Qəzetin hesablamalarına görə, PKK-çıların nümayişləri ölkəyə milyonlarla avroya başa gəlib.

“Müştərilər bu mitinqlərə görə küçələrə çıxmağa ehtiyat edirlər. Belə olan halda bazarda, alış-veriş mərkəzlərində durğunluq yaşanır. Bu da iqtisadiyyata böyük zərbə vurur. Sakinlər bu nümayişlərin tez bir zamanda başa çatmasını istəyirlər. Təkcə bir küçədə aparılan hesablamalara görə, bu mitinqlər 1,2 milyon avro itkiyə səbəb olur. Ümumi hesablamada ortaya daha ciddi rəqəmlər çıxır”, – qəzetdə yayımlanmış məqalədə deyilir.

Qeyd edək ki, yanvarın 27-si PKK terror təşkilatına dəstək məqsədi ilə Almaniyanın Köln şəhərində aksiya keçirilib. Alman polisləri sözügedən aksiyanın qarşısını alıblar.  /Axar.az/

Paylaş: