Ça. Avq 20th, 2019

ABŞ Rusiyanın 600 döyüşçünü məhv etdi – Sübut

Amerikalılar Suriyada “Vaqner” özəl hərbi şirkətinin 3 hücum dəstəsini məhv edib. ABŞ koalisiyasının endirdiyi zərbələrdə Suriyada döyüşən “Vaqner” qrupunun Rusiyadan və Ukraynanın Donbas vilayətindən olan təxminən 600-ə qədər muzdlusu öldürülüb.

Turkustan.info xəbər verir ki, bu barədə Donbas separatçılarının keçmiş “müdafiə naziri” İqor Qirkinin (Strelkov) yaxın müttəfiqi Mixail Polınkov danışıb.

“Qısaca deyə bilərəm ki, 600 nəfərin öldürülməsi barədə xəbərlər mif deyil. Orta hesabla hər birində Rusiya və Donbasdan olan 300 nəfərin döyüşdüyü 3 hücum dəstəsi, artilleriya divizionu və zirehli texnika hücuma məruz qalıb”, – Polınkov qeyd edib.

Qirkinin müttəfiqi özünün Yutub kanalında “Vaqner” dəstəsinin məhvi barədə yaralı muzdlu ilə baş tutan söhbətinin səs yazısını da paylaşıb. Polınkovun həmsöhbətinin tanınmaması üçün onun səsi qəsdən dəyişdirilib.

“Əmin oldum ki, verilən ilk informasiya tamamilə həqiqətdir. Fərqi yoxdur mənə inanacaqlar, ya yox. Əgər doğurdan da həqiqəti öyrənmək istəyi varsa, o zaman 3 hospitaldan birinə baş çəkib, yaralılarla söhbətləşsinlər. Yaralılar çoxdur. Vişnevskidə bəziləri hətta koridorlarda yatır”.

Qeyd edək ki, 8 fevral 2018-ci ildə “Röyter” koalisiya qüvvələrinin hava hücumu nəticəsində Suriya Prezidenti Bəşər Əsədin müttəfiq ordusunun təxminən 100 döyüşçüsünün öldürüldüyü haqqında məlumat verib. “Blumberq”ə görə isə hücum zamanı əksəriyyəti ruslardan ibarət 200 nəfər öldürülmüşdü. Öldürülənlərin Rusiyanın şəxsi hərbi şirkəti olan “Vaqner” qrupunun üzvləri olduğu bildirilmişdi.   /Axar.az/

Paylaş: