28 Oktyabr 2020 09:45

Pentaqonun dünya üçün “GİZLİ MÜHARİBƏ” planı

Amerikalıların da  xəbəri olmayan bu planın icraçıları haqqında bilmədikləriniz…

ABŞ Müdafiə Nazirliyi (Pentaqon) 2019-cu ildə xüsusi təyinatlı qüvvələrin sayını artırmaq barədə qərar qəbul edib. “Cümhuriyət” qəzeti xarici KİV-lərə istinadən xəbər verir ki, Pentaqon artıq ABŞ Hərbi Qüvvələrinin Xüsusi Əməliyyatlar Komandanlığının (United States Special Operations Command) fəaliyyəti üçün Konqresə 13.6 milyard dollar vəsaitin ayrılması üçün müraciət göndərib. Qeyd edilir ki, bu, son illərdə ABŞ xüsusi təyinatlı qüvvələri üçün tələb edilən ən böyük məbləğdir.

Xatırladaq ki, SOCOM-un büdcəsi 2017-ci ildə 11.8, 2018-ci ildə isə 12.6 milyard dollar təşkil edib.Komandanlıq rəhbəri general Raymond Tomas bununla əlaqədar son çıxışında dünyada ABŞ-ın maraqlarına təhlükənin artması səbəbinə görə xüsusi təyinatlı qüvvələrin sayı və büdcənin 10% artırılmasının vacibliyini bildirib. Hazırda SOCOM-un sərəncamında ordunun “yaşıl beretləri” və “Delta” döyüşçüləri, dəniz diversantları (“Navy SEAL”) da daxil olmaqla, 70 min xüsusi təyinatlı hərbçi var. Raymond Tomas bildirib ki, 2017-ci ildə ABŞ xüsusi təyinatlı qüvvələri dünyanın 149 ölkəsində yerləşdirilib.

Ağ Evin gizli müharibəsi

ABŞ hökuməti və Pentaqonun “vuran əli” sayılan SOCOM üçün ən yüksək məbləğin tələb edilməsi təsadüfi deyil.Xüsusi təyinatlı qüvvələr ABŞ hökumətinin ayrı-ayrı dövlətlərdə həyata keçirdiyi gizli hərbi-siyasi əməliyyatların əsas icraçısıdır. Keçən il SOCOM xüsusi təyinatlıları 120-dən çox dövlətdə ABŞ hökuməti adına qanunsuz əməliyyatlar keçirib. “Yaşıl beretlilər”in 2015-ci ildə 105, 2016-cı ildə isə 111 ölkədə keçirdiyi əməliyyatların hamısı ABŞ hökumətinin təlimatı ilə baş tutub.Hökumət xüsusi təyinatlılardan daha çox terror təşkilatları, yaxud ayrı-ayrı dövlətlərin xüsusi xidmət orqanları tərəfindən qaçırılmış nüfuzlu diplomatlar, jurnalistlər, yaxud dövlət adamlarının xilas edilməsində istifadə edilir.Bunlar həmin şəxslərdir ki, oğurlanmaları ictimailəşdirilmir və məsələ SOCOM-un gizli əməliyyatları ilə həll edilir.Məsələn, 2014-cü ildə SOCOM xüsusi təyinatlılarının CAR-da əsir götürülmüş jurnalist Luka Somersin xilasetmə əməliyyatında təsadüfən Cənubi Afrika Respublikasından olan professor Pyer Kork öldürüldü.CAR hərbi qüvvələri ilə qarşıdurmanın səhəri Somers “gözlənilmədən” sərbəst buraxıldı.Əməliyyatlar SOCOM-a daxil olan “US Navy Seals” (ABŞ Hərbi Dəniz Qüvvələrinin xüsusi təyinatlıları) tərəfindən həyata keçirilmişdi.Əlbəttə, əməliyyat CAR hökuməti ilə razılaşdırılmamışdı. Amerika xüsusi təyinatlıları gecə  – təyyarədən hava limanına enər-enməz əməliyyata başlamışdılar.

 

Nəzarətdə olan 150 dövlət

SOCOM-un dünyanın 150-dən çox ölkəsində şəbəkəsi var. Bu, 150 dövlətin ABŞ-ın təsir dairəsində olması deməkdir.Lakin bütün hallarda qurumun əməliyyatları gizli saxlanılır və mediaya heç bir açıqlama verilmir.SOCOM Amerikada qapıları jurnalistlərin üzünə bağlı olan və məxfiliyini qoruyub saxlamağı bacaran nadir təşkilatdır.Yəni, hökumətin apardığı gizli müharibələrdən heç amerikalıların özlərinin də xəbərləri yoxdur.Pentaqonun ümumi hesabatlarından başqa SOCOM haqqında geniş məlumat verilmir. Lakin “Qızıl dövr” adlandırılan əməliyyatlar çərçivəsində ABŞ xüsusi təyinatlı qüvvələrinin hər il gizli əməliyyatlarının sayını artırdıqları dəqiqdir. Bir çox dövlətdə keçirilən əməliyyatlar son nəticədə çevrilişlə də nəticələnə bilir.Yəmən, Misir, Əfqanıstan, İraq, Tunis, Ukrayna və s. kimi dövlətləri misal çəkmək olar.Bu baxımdan, ABŞ hökumətinin siyasi, geosiyasi planlarının əsas icraçısı kimi qabağa çıxan SOCOM-un büdcəsinin və canlı qüvvələrinin sayının artırılması tələbi başadüşüləndir. 2011-ci ildən – Nyu-Yorkda terror aktı baş verəndən bu yana SOCOM-un büdcəsi və canlı qüvvələrinin sayı diqqətçəkici formada artırılıb. Keçən 17 il ərzində qüvvələrin sayı 33 mindən 71 minə qədər artıb. Son 3 ilərzində SOCOM-a 10 min xüsusi təyinatlı cəlb edilib. Şübhəsiz ki, bu statistika ABŞ-ın siyasi planlarının geniş spektri əhatə etdiyinin etirafıdır.Bu baxımdan, SOCOM Amerika hökumətinin xarici siyasətində əvəzedilməz rola malikdir.Xüsusi təyinatlıları bu nöqteyi-nəzərdən, hökumətin dünyanın çata bilmədiyi nöqtələrinə uzanmasını təmin edən əsas vasitə kimi xarakterizə etmək olar.

SOCOM dünyaya belə nəzarət edir

“Rengers”lər, “yaşıl beretlilər”, “Air Force”, “Seals”, “Special Warfare Combatant – Craft Crewmen” və “Navy”, dəniz piyadaları SOCOM-un özəyini təşkil edir. Təşkilatın dünyanın ayrı-ayrı bölgələrinə nəzarət edən qrupları mövcuddur.“OSCAFRICA” və “SOCEUR” qrupu Avropaya, “SOCKOR” Şimali Koreyaya, “SOCPAC” Asiya-Sakit okean regionuna, “SOCSOUTH” Mərkəzi Amerika və Karib ölkələrinə,  “SOCCENT” və “US Central Command” (CENTCOM) isə Yaxın Şərq dövlətlərinə nəzarəti həyata keçirir. “SOCNORTH” qrupu milli təhlükəsizliyin gücləndirilməsi məqsədilə qurulub.

SOCOM-a daxil olan bütün qrup və bölmələrin hamısı terrorizmdə ittiham edilən dövlətlərdə ictimai-siyasi vəziyyətin qarışdırılması, dövlət çevrilişlərinə münbit şəraitin yaradılması, beynəlxalq nüfuzlu terrorçuların öldürülməsi, ayrı-ayrı dövlətlərin siyasi liderlərinə qarşı sui-qəsd planlarının hazırlanması işlərində peşəkarlaşıb.Demək olar ki, SOCOM dünyanın bütün dövlətləri və bölgələrinə müdaxilə etmək gücündədir.Lakin ABŞ hökuməti dünya dövlətləri ilə bağlı siyasi planlarının icrasını bununla bitirmək niyyətində deyil.Müttəfiq dövlətlərlə birlikdə SOCOM-un beynəlxalq qrupunu – Peşəkar Əməliyyat Şəbəkəsini (SOF, yaxud Special Operation Force) yaratmaq planlaşdırılır.Bu məqsədlə SOCOM gizli şəkildə 20-yə yaxın ölkənin ABŞ-dakı səfirliyinə öz zabitlərini yerləşdirdiyi bildirilir. Beynəlxalq şəbəkəni təktərəfli formada quran ABŞ bu qrupa daxil olan xüsusi təyinatlı qüvvələrini gizli şəkildə Avstraliya, Braziliya, Kanada, Kolumbiya, Salvador, Fransa, İsrail, İtaliya, İordaniya, Keniya, Polşa, Peru və Türkiyədə yerləşdirib. SOCOM bu şəbəkəsini 40 dövlətə yaymağı hədəfə alıb.Qrupun komandanlığı Federal Təhqiqatlar Bürosu (FBI), Mərkəzi Kəşfiyyat İdarəsi (CIA) və Milli Təhlükəsizlik İdarəsi (NSA) ilə koordinasiyalı fəaliyyət göstərir.SOCOM gizli əməliyyatlarda daha kiçik və çevik qruplardan (Joint Special Operations) istifadə edir.Əfqanıstan və Filippində keçirilmiş son əməliyyatlar belə qruplar tərəfindən həyata keçirilib.Son olaraq Kanada, Çad, Fransa, Mavritaniya, Hollandiya, Nigeriya, Seneqal, İngiltərə və Burkina Fasodakı əməliyyatlarda da bu qruplar iştirak ediblər.Antiterror əməliyyatları adı altında baş tutan əməliyyatlarda ABŞ səfirliklərinə qarşı terror aktları hazırlayan terrorçular zərərsizləşdirilib.Bu baxımdan, “yaşıl beretlilər”in girdikləri ölkələrin hökumətlərindən icazə almamaları və bu dövlətlərə hansı formada daxil olmaları da ayrı mövzudur.Yalnız əməliyyatların başa çatmasından sonra hökumətlər bununla bağlı məlumat əldə edirlər.

ABŞ hücumları kəskinləşdirir

2001-ci ildə Amerikanın “Black ops” qüvvələri beynəlxalq terrorizmə qarşı gizli mübarizəyə başlayanda xüsusi əməliyyatlar komandanlığının tərkibində cəmi 1800 qüvvə vardı. Lakin Nyu-York terrorundan sonra gözlənilmədən SOCOM-un şəxsi heyəti qısa müddətdə 33 minə qədər artırıldı. Üstəgəl, “Həmas”, “IRA”, “Əl-Qaidə” və s. kimi terror təşkilatları siyahısında yer alan bütün qurumlara qarşı SOCOM-un nəzdnində ayrı-ayrı peşəkar əməliyyat qrupları quruldu. Bu qrupların gizli əməliyyatlara başladığı ilk ölkələr Pakistan və Əfqanıstan idi.Xüsusi təyinatlıların gizli əməliyyatlarından sonra Pentaqon və NATO Əfqanıstana daxil olaraq, terrorizmlə mübarizə adı altında bu ölkənin altını-üstünə çevirdi.Hazırda da Əfqanıstan və Pakistanda SOCOM-a daxil olan 15-ə qədər qrup fəaliyyət göstərir.Bu gün belə qruplar Misir, Tunis, Mərakeş, Nigeriya, Somali, Livan və Yəməndə baş verən kütləvi etiraz aksiyalarının əsas təşkilatçılarıdır. Başqa sözlə, Amerikanın Suriya, Şimali Koreya, Rusiya, Çin və digər bölgələrdə geosiyasi qarşıdurmaların mərkəzində yer aldığını nəzərə alsaq, SOCOM-un artırılan büdcə və canlı qüvvələrinin hansı məqsədlərə xidmət etdiyini bubaşdan anlamaq elə də çətin deyil. Ehtimal etmək olar ki, ABŞ hədəfə aldığı dövlətlərə qarşı təzyiq və hücumları artıracaq.    /Cebhe.info/

Paylaş:

escort bayan bayan escort pornhub türk porno hd porno sikiş hikayeleri travesti porno bayan escort escort bayan bayan escort casino mersin escort bayan mersin escort rokettube sex hikayeleri