Şb. Sen 21st, 2019

ADAU-nun tələbələri üzümlərdə quru bağlama işi aparıb

Azərbaycan Dövlət Aqrar Universitetində təcrübə saatları bir qayda olaraq sahələrdə keilir və tələbələr öyrəndiklərini bu yolla bir daha sınaqdan çıxarır. Nəticədə nəzəriyyə ilə təcrübə tələbələrin seçdiyi ixtisas üzrə daha mükəmməl bilik əldə etməsini gücləndirir.

ADAU-nun mətbuat xidmətindən Turkustan.İnfo-ya bildirilib ki, bu günlərdə tələbələr təcrübə sahələrində tez-tez olur, səpində, üzümlərin budanması və bağlanmasında biliklərini sınaqdan çıxarırlar. Təhsil müəssisəsinin aqronomluq fakültəsinin aqronomluq ixtisasında təhsil alan tələbələr bağçılıq kafedrasının müəllimləri dosent əvəzləri S. Abduləliyeva, M. Ələkbərova və assistent F. Aslanovanın rəhbərliyi ilə Tədris Təcrübə Təsərrüfatının üzümlük sahəsində quru bağlama işi aparıblar. Ilk olaraq müəllimlər quru bağlamanın əhəmiyyəti haqqında məlumat verib, aparılma texnikasını əyani surətdə tələbələrə göstəriblər. Daha sonra quru bağlama tələbələrlə birlikdə həyata keçirilib.

Demk yerinə düşər ki, yüksək məhsuldarlıq ilk növbədə bitkinin bioloji xüsusiyyətləri və ekoloji şərait nəzərə alınmaqla üzüm sahəsində kompleks aqrotexniki tədbirlərin vaxtında və diqqətlə yerinə yetirilməsi yolu ilə mümkündür və bu işlərin birincisi üzüm bitkisinin kəsilməsidir.  Mədəni üzüm bitkisinin idarə olunması kəsmə və bağlama ilə həyata keçirilir. Quru bağlama şirə hərəkəti müddətində həyata keçirilir. Çünki bu müddətdə bitkinin orqanları elastik olduğundan, onları istənilən bucaq altında əyib bağlamaq mümkün olur. 

 

Paylaş: