28 Oktyabr 2020 13:16

Əsəd əvəzinə MDB: Putin prezidenti “verib” əvəzində nə alacaq?

Qarşıdurma Ukraynaya keçir

Elşən Manafov: “Rusiya Bəşər Əsədə dəstəyini davam etdirəcək”

Suriyanın hərbi bazalarının vurulmasından sonra Rusiya-ABŞ münasibətlərində gərginliyin artması müşahidə olunur. Bu qarşıdurma iki supergüc arasında açıq hərbi savaş şəklində baş verməsə də, yaxın perspektivdə müxtəlif regional miqyasda münaqişələrin olacağı istisna edilmir. Analitiklər Şərqi Avropada Rusiyanın ABŞ-a qarşı müqavimət imkanlarını artacağını proqnozlşadırır. Artıq Ukrayna Milli Təhlükəsizlik Şurasının katibi Vladimir Turçinov Rusiyanın Donbass istiqamətində 260 min nəfərlik ordu cəmləşdirdiyini deyib. Yəni, Suriyada hərbi və geosiyasi üstünlüyə malik Rusiyanın son günlər ABŞ tərəfindən sıxışdırılması Kremlin Ukrayna cəbhəsində daha sərt cavab addımları atmasına səbəb olub. Ancaq rəsmi Moskva ABŞ və Fransa tərəfindən atılan 105 raketin 71-nin havada məhv edildiyini iddia etsə də, bəzi proqnozların əksinə olaraq, Qərblə açıq münaqişəyə getmədi. Bu təmkinli davranışın səbəbləri Rusiyanın hərbi əməliyyatlar barədə əvvəlcədən məlumatlandırılması ilə əlaqələndirilir. Putin iqtidarı aviazərbələrlə bağlı əvvəlcədən xəbərdar olduğundan ehtiyat təhlükəsizlik tədbirləri görüb. Lakin ABŞ, Fransa və Britaniya rəsmilərinin bütün hədəflərin dəqiqliklə məhv edildiyi barədə açıqlamaları Rusiyanın Bəşər Əsəd rejimini qorumaq üçün ciddi addımlar atmadığını göstərir. Ona görə də rəsmi Moskvanın mövqeyi Bəşər Əsədə aid hərbi bazaların vurulmasından sonra Rusiya-ABŞ münasibətlərinin gələcəyinə dair bir sıra suallar meydana çıxarıb. Hazırda Qərb ekspertləri Vladimir Putinin Suriyada və Yaxın Şərqdə ABŞ-la qarşıdurmaya gedib-getməyəcəyi sualına cavab axtarır. “Israel Hayom” qəzeti isə indiki şəraitdə Putinin Suriyada gərginliyin artmasında maraqlı olmadığını yazır: “Rusiyanın qarşısında iki variant dayanır: ABŞ-ın hərəkətlərinə cavab verməyərək, yeni bir Suriya yaratmağa davam edir. Ya da vəziyyəti gərginləşdirir. İndiki mərhələdə Putin buna getməyəcək. Bütün bunların nəticəsində hərbi xarakterli çıxışlar məhdudlaşdırılacaq. Amerikanın nöqteyi-nəzərindən Tramp bir neçə əlavə bal qazanıb. O, atəş açmaqla Avropa Birliyinin iki supergücünün dəstəyini əldə etdi. Digər tərəfdən, vəziyyəti təhlükəli həddə çatdırmadı”. Təbii ki, hadisələrin bundan sonrakı inkişaf istiqaməti Rusiya və İranın ABŞ-ı Suriyada geosiyasi güc mərkəzi kimi qəbul edib-etməyəcəyindən çox asılıdır. Bu baxımdan,Rusiya və ABŞ arasında anlaşmanın əldə olunması üçün ən münasib siyasi çərçivə Suriya böhranının həllinə dair Cenevrə konfransı sayılır. Digər ehtimallara görə, Suriyada yeni strateji mövqelər qazanan ABŞ Ukrayna münaqişəsinin həllində Rusiya ilə siyasi bazarlaşmaya gedə bilər.

Politoloq Elşən Manafov Cebhe.info-ya bildirib ki, Rusiyanın Suriyada ABŞ-a güzəştə gedəcəyi inandırıcı görünmür:

“Rusiyanın iştirakı olmadan Suriyada Türkiyə və İran birgə uğurlar əldə edə bilməzdi. Düşünürəm ki, Birləşmiş Ştatların Suriyaya endirdiyi hərbi-hava zərbələri Bəşər Əsəd rejimini hakimiyyətdən uzaqlaşdırmağa deyil, daha çox Rusiyanın siyasi elitasında qıcıq yaratmağa, rəsmi Moskva ilə müttəfiqləri arasında müəyyən siyasi çatın yaranmasına hesablanıb. Bəlli oldu ki, Amerika Suriyaya hava zərbələri endirməklə heç nəyə nail olmayıb. Prezident Tramp missiyanın yerinə yetirildiyini deyir. Amma ABŞ və müttəfiqləri nə Suriyanın özündə geosiyasi mənzərənin dəyişməsinə nail olub, nə də Rusiyanı Suriya probleminin həlli ilə bağlı danışıqlarda geriyə çəkilməyə sövq edə bilib. Rusiyanın xarici işlər nazirinin və Silahlı Qüvvələrin baş qərargah rəisinin açıqlamasından belə məlum oldu ki, Kreml Suriyada əldə etdiyi mövqeləri itirmək fikrində deyil. Suriya Rusiyanın ərəb dünyasında sonuncu dayağıdır və hesab edirəm ki, bu bölgədən geri çəkilməyəcək. Bəzi analitiklərin fikrincə, ABŞ-ın 647 milyard dollarlıq hərbi büdcəsi Rusiyanın 47 miyard dollarlıq hərbi büdcəsi ilə müqayisəyə gəlməyəcək səviyyədə böyük olduğundan, Kreml geri çəkilməyə məcbur olacaq. Məncə, bu, doğru yanaşma deyil. Prezident Putinin Rusiya Federasiya Şurasına müraciəti ABŞ və onun müttəfiqlərinə “hərbi əzələ” nümayiş etdirməsi kimi qəbul olunmalıdır. Putin birmənalı şəkildə qeyd etdi ki, Rusiyanın son bir neçə ildə sınaqdan keçirdiyi silahlar ABŞ-ın və onun NATO-dakı müttəfiqlərinin dünyanın istənilən yerindəki mövqelərinə zərbə endirməyə qadirdir. Həmin silahlar Qərb dövlətlərinin hava hücumundan müdafiə sistemləri tərəfindən aşkar olunmur. Əgər ABŞ-ın 20 təyyarədaşıyan gəmisi varsa, Rusiyanın 20 mindən artıq tankı var. ABŞ-ın isə hərbi arsenalında 5 min tank var. Yəni, qüvvələr nisbəti bəzi məqamlarda Rusiyanın, bəzi məqamlarda ABŞ-ın və onun NATO-dakı müttəfiqlərinin xeyrinədir. Ümumiyyətlə, bütün oyunlar dünyanın geosiyasi mənzərəsinin dəyişdirilməsi cəhdlərinə hesablanıb. Suriya probleminin çözülməsi ilə Rusiyanın təklif etdiyi qətnamənin ABŞ, Böyük Britaniya və Fransa tərəfindən qəbul olunmaması onu göstərdi ki, Avropa dövlətləri hələ də Amerikanın yedəyində gedir və müstəqil siyasət yürüdə bilmir.Düşünürəm ki, Rusiya Suriya probleminin çözülməsində nəinki güzəştə gedəcək, əksinə, Baltikyanı istiqamətində özünün mövqelərini gücləndirəcək, Ukraynada qarşıdurmaya getməkdən çəkinməyəcək. Suriyaya aviazərbələr endirilməzdən qabaq Birləşmiş Ştatların prezidenti rusiyalı həmkarı Putinə müəyyən məlumatlar ötürmüşdü. Maraqlı məqam da ondan ibarətdir ki, Suriyadakı Rusiya Hərbi- Hava Qüvvələrinin mövqelərinə bir zərbə belə endirilməmişdi. Görünür, ABŞ Rusiya ilə açıq qarşıdurmadan çəkinir. Bu mənada, ABŞ Rusiyanın hərbi arsenalında olan son dərəcədə nəhəng nüvə silahları ilə zarafat etmək istəmir. Pentaqon isə Suriyada hərbi əməliyyatların miqyasını artırmaqla özünün hərbi büdcəsini genişləndirmək istəyir. İkinci məqam ondan ibarətdir ki, Suriya ətrafında gərginliyin artması Rusiyanın da maraqlarına işlədi. Dünya nefti bazarında “qara qızıl”ın satış qiyməti artaraq 72 dollara çatdı. Əgər ABŞ həqiqətən də Rusiyanı çökdürmək istəyirsə, bu əməliyyatların özünün gəlirlərinin böyük hissəsini neft və qazın hesabına formalaşdıran Rusiyanın maraqlarına cavab verdiyini nəzərə almamışdımı? Yəni, məsələyə kompleks yanaşmaq lazımdır ”.

Elşən Manafov onu da bildirdi ki, ABŞ-ın bütün səylərinə baxmayaraq, Rusiya Bəşər Əsəd rejiminə dəstəyini davam etdirəcək:

“Rusiya Bəşər Əsədi əvəz edəcək bir namizəd tapmayana qədər ona dəstəyi birmənalı şəkildə davam etdirəcək. ABŞ məqsədi isə maraqlarına cavab verməyən Bəşər Əsədi hakimiyyətdən salmaq, Suriyanı parçalamaq, Rusiyanın Yaxın və Orta Şərqdəki mövqelərinə güclü zərbə endirmək, dolayısı Çinin 2030-cu ilə qədər inkişafının qarşısını almaqdır. Eyni zamanda, ABŞ Suriyaya zərbə endirməklə Rusiyanın müttəfiqi olan İranı da bölgədən sıxışdırmaq, onu hədəfə almaq niyyətindədir”.  

Paylaş:

escort bayan bayan escort pornhub türk porno hd porno sikiş hikayeleri travesti porno bayan escort escort bayan bayan escort casino mersin escort bayan mersin escort rokettube sex hikayeleri