Ç. Dek 11th, 2019

Jirinovski Moskvadan Yerevana metro xətti çəkməyi təklif etdi

Rusiya liberal-demokratlarının lideri Vladimir Jirinovski “Xatırlayıram və tələb edirəm” Rusiya cəmiyyətinin mitinqinin gedişində Moskva ilə Yerevan arasında dəmiryol əlaqəsinin yaradılmasını təklif edib.

Turkustan.info RİA “Novosti”yə istinadən xəbər verir ki, çıxışında Jirinovski deyib: “Mən Tbilisidən keçməklə Yerevan-Moskva qatarına minməyə macal tapmaq istərdim. Sürətli qatar olsun – 20 saata Yerevandan Moskvaya çatsın”.

Aksiya iştirakçıları yerlərindən qışqırmağa başlayıblar ki, metro xətti çəkilsin. “Metro? Hə, olsun metro. Yerevan-Moskva metrosu. Alimlərimiz bunu edə bilər. Siz də sağ olun, ruslar da sağ olsun ki, hər zaman – artıq yüzillərdir erməniləri dəstəkləyirlər. Ruslar və ermənilər birlikdədir”, – Vladimir Jirinovski bildirib.  /Virtualaz.org/

Paylaş: