25 Noyabr 2020 17:36

Ermənistan qarışır: Yerevan və Eçmiədzində aksiyalar başladı

Ermənistanda həbs edilən deputat Manvel Qriqoryanın tərəfdarları Yerevanda Milli Təhlükəsizlik Xidmətinin (MTX) qarşısında etiraz aksiyasına başlayıblar.

Turkustan.info yerli KİV-ə istinadən bildirir ki, etirazçılar MTX-nın yerləşdiyi Nalbandyan küçəsini bağlamağa cəhd etsələr də polis onlara imkan verməyib. 

Yerevanla bərabər Eçmiədzində də aksiyalar keçirilir. Burada Manvel Qriqoryanın oğlu mer Karen Qriqoryanın tərəfdarları və əleyhdarları mərkəzi meydana toplaşıblar. Etiraz aksiyalarının keçirildiyi yerə Karen Qriqoryanın özü də gəlib. O, sosial şəbəkələr vasitəsilə tərəfdarlarını onu dəstəkləməyə çağırıb.

Qeyd edək ki, Manvel Qriqoryan iyunun 16-da həbs edilib. O, qanunsuz silah dövriyyəsində ittiham olunur. Respublika Partiyası artıq Qriqoryanın həbsini siyasi xarakterli adlandırıb.

Aksiyalar hazırda davam edir.  /Virtualaz.org/

Paylaş: