Ç. Avq 21st, 2019

MÜBAHİSƏLİ DURUM: Nə qədər borcu olan ölkədən buraxılmır? – AÇIQLAMA

“Vergi orqanları tərəfindən vergi borcuna görə ölkədən getmə hüququnun məhdudlaşdırılması ilə bağlı hər hansı hüquqi akt yoxdur”.

Turkustan.info bildirir ki, bunu Cebhe.info-ya vergi məsələləri üzrə ekspert Emin Səttarov deyib. 

O bildirib ki, qanunvericilikdə hansı məbləğdən sonra ödəyicinin çıxışına məhdudiyyət qoyulması nəzərdə tutulmayıb:

“Vergi orqanı inzibati orqandır. Belə ki, qurum büdcəyə daxilolmaları birbaşa özü yığır. Buna görə qurumun praktikasında ödəyiciyə sanksiya tətbiq olunubsa və ya vergi borcunun minimum məbləği 500-1000 manat arasındadırsa, həmin şəxslərin ölkədən çıxışına məhdudiyyət qoyulur. Bu, mübahisəli haldır. Bu məsələnin hansısa aktda və yaxud sənəddə qeyd olunması, daha məqsəduyğun olardı.

Ən azından ödəyici bilər ki, hansı məbləğdə yaranmış borcdan sonra onun ölkədən çıxışına məhdudiyyət qoyula bilər. Hesab edirəm ki, 10 manat vergi borcuna görə ölkədən çıxışa qadağa qoymaq ödəyicilərin hüquqlarını pozur. Yaxşı olardı ki, hansı məbləğdən sonra sərhəddən buraxılmamaq barədə məlumat ödəyici üçün öncədən açıqlanmış olsun”. 

Paylaş: