03 İyul 2020 14:32

Tramp bütün dünyanı təhdid edir: Hətta Amerikanı da…

Amerika Birləşmiş Ştatlarının (ABŞ) prezidenti Donald Trampın az qala bütün dünya ilə təhdid dilində danışması artıq adi hala çevrilib. Çin, Şimali Koreya, İran, Rusiya, Türkiyə və digər sıra ölkələri açıq şəkildə təhdid edən Tramp indi də ABŞ Konqresi ilə eyni dildə danışmağa başlayıb. Prezident Konqresi impiçment məsələsi ilə bağlı təhdid edib.

“ABŞ prezindentinə impiçment elan olunması ölkə iqtisadiyyatı üçün acı fəsadlara gətirib çıxaracaq. Başa düşə bilmirəm, bu qədər gözəl iş görənə necə impiçment elan etmək olar? Əgər nə vaxtsa mənə qarşı impiçment elan etsələr, bazarlar çökəcək, hamı çox kasıb olacaq”-deyə, Tramp bildirib.

Qeyd edək ki, Trampın qalib gəldiyi prezident seçkilərinə Ruysiyanın müdaxiləsi ilə bağlı iddialar var və müstəqil prokuror Robert Müller artıq uzun zamandır bununla bağlı araşdırma aparır. Qeyd edək ki, bu iddialar həm Kreml, həm də Ağ Ev tərəfindən təkzib olunur. Trampın özü də Müllerin araşdırmasına münasibət bildirmişdi. ABŞ prezidenti Donald Tramp təhqiqatın tez bir zamanda başa çatdırılması şərti ilə “Rusiya işi” üzrə xüsusi prokuror Robert Müllerin suallarına cavab verməyə hazır olduğunu bəyan etmişdi. Bu ilin noyabrın 6-da isə ABŞ Konqresinə aralıq seçkilər keçiriləcək. Demokratlar Partiyası bu seçkilərdə çoxluq qazana və Respublikaçılar Partiyasını təmsil edən Donald Trampa qarşı impiçment elan edilməsi prosesinə başlaya bilər. İddia olunur ki, Trampın impiçment məsələsinə görə Konqresi təhdid etməsi də, aparılan işdən narahat olduğunu göstərən amildir.

Maraqlıdır, Trampın təhdid dili ilə danışması yekunda nə ilə nəticələnə bilər? O, hakimiyyətini sona qədər qoruya biləcəkmi?

Politoloq Zaur İbrahimli hesab edir ki, Trampın bu açıqlaması onun narahatlığını ifadə edir: “Son günlər ABŞ-da 2016-cı il prezident seçkilərinə Rusiyanın ehtimal olunan müdaxiləsinin araşdırılması işində prezident Trampla bağlı yeni təfərrüatların aşkarlanması impiçment perspektivi ilə bağlı müzakirələrin başlamasına rəvac verib. “Fox News”a açıqlamasıyla prezident Tramp ciddi narahatlığını büruzə verib. Şübhəsiz ki, demokratlar üçün prezident Trampı gözdən salmaq, onun təkbaşına qərarlar vermək imkanlarını məhdudlaşdırmaq, ümumiyyətlə, hazırkı Ağ Ev administrasiyasını zəiflətmək, qərarların qəbulunda ağırlığın Konqresə keçirilməsi üçün yeni fürsətlər yaranıb.

Başqa bir məqam isə bu il noyabrda Konqresə keçiriləcək seçkilərdir. Demokratlar həm Nümayəndələr Palatasında, həm də senatda çoxluğa nail olmağa çalışacaqlar. Revanş üçün Respublikaçılar Partiyasına və onun təmsilçisi Trampa qarşı mümkün qədər çox kompromat əldə etməyə səy göstərirlər. Ümumiyyətlə, neoliberal istibleşment Trampın qələbəsi ilə sarsılan mövqelərini geri qaytarmaq üçün var gücü ilə çalışır. Bura həm KİV, jurnalistlər, siyasətçilər, elm və sənət adamları, biznesmenlər, ruhani təbəqəsi daxildir. Buna görə Trampla bağlı hər bir məsələdə belə böyük rezonans verməyə can atırlar”. 

Z.İbrahimlinin sözlərinə görə, Trampa qarşı impiçment hazırkı şərtlərlə real görünmür: “Trampın şəxsi vəkili olmuş Maykl Koenin ifadələrini isə Trampa qarşı hökmə çevirməyə çalışırlar. Bununla belə Trampın Rusiya ilə seçkidə əməkdaşlığa getməsi barədə aşkar dəlil və sübutlar olmayınca impiçment real deyil. Konqresin hər iki palatasında respublikaçılar üstün mövqedədirlər, impiçment üçün isə mütləq çoxluq lazımdı.

Hətta noyabr seçkilərində qalib gəlsələr belə, demokratların bu cür üstünlüyə nail olacağı ehtimal edilmir. Respublikaçılar isə onları uzun illər siyasi səhnədə arxa plana itələyəcək bu qərara imkan verməzlər. Digər məsələ Trampa olan elektoral dəstək də aşağı səviyyədə deyil. Hərbi sənaye kompleksi, neft lobbisi, yəhudi lobbisi və iş dünyasının böyük kəsimi onun siyasətini müdafiə edir. Belə qüvvələr nisbətində Trampı obrazlı ifadə etsək, aşırmaq mümkün görünmür”.  /Cebhe.info/

Paylaş:

mersin escort bayan mersin escort rokettube sex hikayeleri
escort mersin