Ça. Yan 28th, 2020

Bir neçə ev torpaq altında qaldı

Güclü leysan yağışları Gürcüstanın bir neçə bölgəsində ciddi fəsadlar törədib. 

Turkustan.info AzərTac-a istinadən xəbər verir ki, Acarıstan Muxtar Respublikasının Xelvaçauri rayonu ərazisində torpaq sürüşməsi baş verib. Nəticədə bir neçə kəndə ciddi ziyan dəyib.

Xelvaçauri rayon administrasiyasından bildiriblər ki, torpaq sürüşməsi nəticəsində 8 yerdə yollar və su bəndləri dağılıb.

Ortabatumi ərazi vahidliyinin Aqara kəndi, habelə, Korolistavi, Zanakidzeebi, Sameba, Zeda Zoço və Türkiyə ilə sərhəd olan Sarpidə baş verən torpaq sürüşmələri nəticəsində piyada keçidləri dağılıb.

Sameba kəndində isə bir neçə ev tam uçaraq torpaq altında qalıb.

Əhali təhlükəsiz ərazilərə təxliyə olunur.

Paylaş: