Şb. Sen 21st, 2019

Qeyri-adi aksiya: Bölgələrdən deputatlara zibil yolladılar – Video

Rusiyanın Krasnoyarsk bölgəsinin aktivistləri topladıqları zibili plastik paketlərə yığaraq poçt vasitəsi ilə Dövlət Dumasının deputatlarına göndərməyi qərara alıblar.

Turkustan.info xəbər verir ki, aktvistlər Yutub kanalında bu aksiyasının görüntüsünü əks etdirən video paylaşıblar.

Aktivistlər paketləri deputatlar – Yuri Şvıtkin, Sergey Natarov, Viktor Zubarev, Raisa Karmazina və Krasnoyarsk vilayətinin senatoru Andrey Klişasa göndərəcəklərini bildiriblər.

Aksiyaya rəhbərlik edən Yevgeniya Yelizareva aktivistlərin adından bölgə yetkililərinə müraciət ünvanlayıb:

“Deputatlar və qubernatorlar, orada nə oturmusunuz? Niyə sizi seçdik? Hansı şəhərdə yaşadığınızı görün. Budur Krasnoyarskın zibilləri – alın və qoxlayın. Şəhərin başçısı bizdən qaçır. Çünki onun üçün ən əhəmiyyətli şey konsertlərdir, qubernator da vəziyyət haqda heç bir açıqlama vermir”.

Məlumata görə, bölgədə zibilliklərlə bağlı islahatlar başladıqdan sonra Krasnoyarkda gözlənilmədən zibilliklərin sayı artıb. Bölgə yetkililəri məsələnin iki gün ərzində həll ediləcəyini bildirsə də, dəyişən heç nə yoxdur.

Hiddətlənmiş bölgə sakinləri qubernator Sergey Yeremindən islahatların dayandırılmasını tələb edib. Volqaqrad şəhərinin sakinləri isə zibil paketlərini bölgə rəhbərliyinin ofisinə daşımağa başlayıblar.

Aktivistlərin başladığı aksiyanın görüntüsünü təqdim edirik:  /Teleqraf.com/

Paylaş: