C. Noy 15th, 2019

Paşinyan hərbi xidmətdə olan oğlunu təcili şəkildə Qarabağdan çıxartdı – Müharibə gözlənilirmi?

Ermənistanın baş naziri Nikol Paşinyanın hərbi xidmətdə olan oğlu – Aşot Paşinyan işğal altındakı Qarbağdan təcili şəkildə Ermənistana gətirilib.

Turkustan.info Yeniavaz.com-a istinadən xəbər verir ki, bu barədə məlumat Ermənistan mətbuatında yayılıb.
Ermənistan Müdafiə nazirliyinin mətbuat xidmətinin rəhbəri Artsrun Hovhannisyan da məsələyə münasibət bildirib.
Hovhannisyan məsələyə açıq şəkildə münasibət bildirməkdən yayınaraq deyib ki, Ermənistan ordusunda qulluq edən hər bir əsgərin bir hərbi hissədən, digər hərbi hissəyə keçməsi tamamilə normaldır.
Məlumat üçün bildirək ki, ötən həftə Ermənistanın baş naziri Nikol Paşinyan bəyan etmişdir ki, bəzi qruplar torpaqları Azərbaycana təhvil verib bütün günahları mənim üzərimə atmağı planlayır. Paşinyan ad çəkməsə də Ermənistan mətbuatı yazıb ki, baş nazir Robert Koçaryan və Serj Sarkisyana bağlı olan və hazırda Qarbağda “hakimiyyətdə” olanları nəzrədə tutub.  
Onu da bildirək ki, son günlər işğal altında olan Dağlıq Qarabağdakı seperatçı rejimlə Ermənistanın baş naziri Nikol Paşinyan arasında gərginlik müşahidə olunur. Eyni zamanda işğal altındakı Qarabağda gələn il baş tutacaq “seçki”dən əvvəl qeyri-sabit vəziyyət müşahidə olunmaqdadır. Ötən gün Xankəndidə “polis”lə etirazçılar arasında qarşıdurma baş verib.
Görünür baş verən son hadisələrdən sonra Nikol Paşinyan oğlunun Qarabağda hərbi xidmət keçməsinin təhlükəli ola biləcəyini düşünərək onun yerini Ermənistandakı hərbi hisələrdən birinə dəyişdirib.   

Paylaş: