Şb. Dek 7th, 2019

“Azərbaycanda FETÖ-nün bütün dayaqları sarsıdılıb” – Prezident Administrasiyasının rəsmisi

“Türkiyədə 15 iyul qəhrəmanlıq tarixidir. 2016-cı il iyulun 15-də xalqın seçdiyi hökumətin devrilməsinin qarşısı alındı. Türkiyə xalqı ağır texnikanın qarşısına çıxdı. Bu, qəhrəmanlıq idi. Qəhrəmanlıq ölümə atılmaq deməkdir. Həmin qəhrəmanlar da dövlət üçün ölümə atıldılar. Bu hadisəyə ilk rəsmi münasibət bildirən ölkə Azərbaycan oldu. Azərbaycan terrordan əziyyət çəkən ölkədir və terrorla mübarizə aparır”.
Turkustan.info “Report”-a istinadla xəbər verir ki, bunu Türkiyədə dövlət çevrilişinə cəhdin qarşısının alınmasının 3-cü ildönümünə həsr edilən “Demokratiya zəfəri” adlı tədbirdə Prezident Administrasiyasının İctimai-siyasi məsələlər şöbəsinin əməkdaşı Bəhruz Həsənov deyib. O vurğulayıb ki, Azərbaycanda FETÖ başda olmaqla heç bir terror təşkilatı və onların tör-töküntüləri fəaliyyət göstərə bilməz: “Azərbaycan Prezidenti cənab İlham Əliyev dəfələrlə bəyan edib ki, ölkəmiz terrorun bütün forma və təzahürlərinə qarşıdır”.
B.Həsənov bildirib ki, FETÖ terror təşkilatının Azərbaycandakı bütün dayaqları sarsıdılıb, onların fəaliyyətinə son verilib: “Biz çiyinə-çiyinə qardaşlığımızı qoruyub saxlamışıq. Xatırlayırsınızsa, beynəlxalq tədbirlərin birində Azərbaycan Prezidenti İlham Əliyev demişdi ki, Türkiyə Prezidenti burada yoxdursa, mən varam. Türkiyə də beynəlxalq tədbirlərdə Azərbaycanın mövqelərini müdafiə edir. Azərbaycan da torpaqları uğrunda şəhid verib. 1990-cı il yanvarın 20-də Azərbaycan xalqı mübarizəyə qalxdı, tankların qarşısına çıxdı. Bu torpaqlar qanla suvarılıb. Bütün şəhidlərin qarşısında baş əyirəm”

Paylaş: