Ca. Noy 14th, 2019

Həbsdən çıxan ər arvadını baltaladı — Bərdədə QANLI CİNAYƏT

Bərdədə münaqişə zəminində həyat yoldaşını öldürməyə cəhddə təqsirləndirilən Şahvələd Nadirxanovun cinayət işi üzrə məhkəmə prosesi davam edir.

Turkustan.info xəbər verir ki, Gəncə Ağır Cinayətlər Məhkəməsində hakim Nural Əliyevin sədrliyi ilə keçiriləcək məhkəmə baxış iclası avqust ayının 5-nə təyin edilib.

Qeyd edək ki, hadisə ötən il Bərdə rayonunun Cəyirli kəndində baş verib.

Kəlbəcər rayon sakini Nadirxanov Şahvələd Pənah oğlu həyat yoldaşına balta ilə xəsarət yetirib. Ağır xəsarət alan 1983-cü il təvəllüdlü Yəhyayeva Pərvanə Arif qızı yaxınları tərəfindən Bərdə Mərkəzi Rayon Xəstəxanasına çatdırılıb və onun həyatını xilas etmək mümkün olub. Ş.Nadirxanov saxlanılıb və ona Cinayət Məcəlləsinin 29.120-ci(adam öldürməyə cəhd) maddəsi ilə ittiham verilib.

Hadisənin qısqanclıq zəmində törədildiyi bildirilib.

Qeyd edək ki, Ş.Nadirxanov bir müddət əvvəl həbsdən çıxıb.  /Ölkə.Az/

Paylaş: