Be. Noy 18th, 2019

“Şeyx şərab festivalına niyə etiraz etmir?” — İlahiyyatçıdan SUAL

“Qafqaz Müsəlmanları İdarəsinin (QMİ) “Reproduktiv sağlamlıq haqqında” qanun layihəsindən surroqat ana və sperma bankı məsələlərinin çıxarılması barədə mövqeyini dəstəkləyirəm və buna görə onlara təşəkkür edirəm”. 

Bu sözləri ilahiyyatçı  Elşad Miri deyib. 

Onun sözlərinə görə, surroqat ana və sperma bankı İslam prinsiplərinə ziddir. 

“Sperma bankının formalaşdırılması və surroqat ana məsələsi nəsillə, nəslin qorunması ilə bağlı problemli məsələdir . Ona görə də Qafqaz Müsəlmanları İdarəsinin etirazı başadüşüləndir və mən də onları dəstəkləyirəm”,- deyə ilahiyyatçı əlavə edib.

Elşad Miri daha sonra bildirib ki, QMİ digər İslam prinsiplərinə zidd olan digər məsələlərdə də qəti mövqe sərgiləməlidir. 

Картинки по запросу Elşad Miri

“Bəzən elə başa düşülür ki, Şeyxülislam, yaxud  Qafqaz Müsəlmanları İdarəsi nə edirsə, mən onun əleyhinə çıxıram. Xeyr. Sadəcə mənim işim maarifləndirmək, insanları doğru yola, Qurana dəvət etməkdir. Ona görə də Quranla üst-üstə düşən bütün aadımları təqdir edirəm. 

Lakin məndə müəyyən şübhələr var. Əgər Qafqaz Müsəlmanları İdarəsi bunu İslam prinsiplərini qorumaq üçün atıbsa, o zaman niyə digər məslələrdə oxşar mövqe sərgiləmir? Məsələn, dünən Azərbaycanda ilk dəfə olaraq şərab festivalı keçirildi. Bu da İslam prinsiplərinə ziddir. Amma Qafqaz Müsəlmanları İdarəsinin buna reaksiyasını görmürük.

Bununla belə, mən “Reproduktiv sağlamlıq haqqında” qanun layihəsində surroqat ana və sperma bankı məsələlərinin çıxarılmasında Qafqaz Müsəlmanları İdarəsinin rolunu təqdir edirəm”.

Xatırladaq ki, mübahisəli məqamlar olduğu üçün uzun müddətdir müzakirəsi təxirə salınan “Reproduktiv sağlamlıq haqqında” qanun layihəsi Milli Məclisin payız sessiyasında gündəliyə salınacaq. Artıq layihədə mübahisəli məqamlar qalmayıb. Xüsusilə etiraz doğuran surroqat ana və sperma bankı məslələri layihədən çıxarılıb. Bunda  QMİ-nin böyük rolu olub. (yenisabah)

Paylaş: