Ca. Noy 14th, 2019

Ermənistanın eks-prezidenti: “Dağlıq Qarabağ Azərbaycanın tərkibində muxtar respublika olsun” – FOTOFAKT

Ermənistanın eks-prezidenti Levon Ter-Petrosyanın (1991-1998) Qarabağla bağlı sensasion açıqlaması üzə çıxıb.

1992-ci ildə Qarabağ müharibəsi gedən zaman Yerevanda “Komsomolskaya Pravda” qəzetinə müsahibə vermiş Ter-Petrosyan Dağlıq Qarabağın Azərbaycanın tərkibində muxtar respublika kimi mövcudluğunu dəstəkləmişdi.

“İstərdim ki, Azərbaycanın tərkibində muxtar respublikanın mövcudluğu bütün tərəfləri məmnun etmiş olsun. Axı bu halda Azərbaycanın ərazi bütövlüyü pozulmuş olmur, qarabağlılar isə fəaliyyətləri üçün müvafiq təminatı almış olurlar. Bu, bizim mövqeyimizdir. Biz bu məsələni istənilən səviyyədə müzakirə etməyə hazırıq”-deyə Levon Ter-Petrosyan bildirib.

Xatırladaq ki, Levon Ter-Petrosyan 1998-ci ilin fevralında “Qarabağ klanı”nın təzyiqi ilə təslimçilik damğası ilə istefa  verməyə məcbur olmuşdu.

Turkustan.info modern.az-a istinadən Levon Ter-Petrosyanın açıqlamasının “Komsomolskaya Pravda” səhifəsindəki “skrini”ni təqdim edir.  

Paylaş: