Ca. Noy 14th, 2019

S.Vurğun adına Mərkəzi kitabxanasında görkəmli şair, nasir, dramaturq Cəfər Cabbarlının 120 illik yubileyi ilə əlaqədar istedadlar müsabiqəsi keçirilib

Sumqayıt Regional Mədəniyyət idarəsinin dəstəyi ilə Sumqayıt şəhər S.Vurğun adına Mərkəzi kitabxana və Sumqayıt şəhər Gənclər və İdman Baş İdarəsi ilə birgə görkəmli şair, nasir, dramaturq Cəfər Cabbarlının 120 illik yubileyi ilə əlaqədar istedadlar müsabiqəsi keçirilib.

S.Vurğun adına Mərkəzi kitabxanasında baş tutan tədbiri giriş sözü ilə açan abonement şöbəsinin müdiri Zemfira Mirzəyeva ədibin həyatı və yaradıcılğı haqqında geniş məlumat verib.

Sonra iştirakçıların ifasında monoloqlar dinlənilib.

AYB üzvü, yazıçı-ssenarist, “Zərdabi” mükafatı laureatı Hafiz İmamnəzərli, Azərbaycan Yazıçılar Birliyinin Sumqayıt Bölməsinin sədri şairə Gülnarə Cəmaləddin, Sumqayıt Dövlət Dram Teatrının aktrisası, respublikanın əməkdar artisti Fəarə Musayeva, Sumqayıt Dövlət Dram Teatrın aktyoru Akif Mirzəyev, Sumqayıt MKS-in direktoru, Respublikanın Əməkdar Mədəniyyət işçisi Yeganə Əhmədova, Gənclər və İdman Baş İdarəsinin əməkdaşı Pərvin Rəsulovdan ibarət münsiflər heyətinin qərarı ilə Mərkəzi Kitabxananın Uşaq şöbəsinin oxusu Müzəffər Qurbanov, Nizami Gəncəvi adına Kitabxana klubun oxucusu Araz Hacıyev I yerə, M. Rəsulzadə adına kitabxananın oxucusu Cavidan İsmayıl, İncəsənət şöbəsini oxucusu Ayan Hüseynli II yerə, Mərkəzi Uşaq Kitabxanasının oxucusu Gülgün Qasımzadə, Ə. Vahid adına kitabxana filialın oxucusu Adilə Məmmədova III yerə layiq görülüblər.

Müsabiqənin qalibləri Fəxri fərman və Gənclər və İdman Baş İdarə tərəfindən hədiyyələrlə mükafatlandırılıb, fərqlənənlərə təşəkkürnamə təqdim edilib.

Sumqayıt Regional Mədəniyyət idarəsinin

Mətbuat xidməti

Paylaş: