Be. Dek 9th, 2019

Paşinyandan Türkiyə ilə bağlı ŞOK AÇIQLAMA: “Sərhədlərimizi onlar…”

“Suriyadakı türk istilası bizi narahat edir. Biz onu qınadıq”.

Turkustan.info xəbər verir ki, bu sözləri İtaliyanın “Corriere della Sera” nəşrinə müsahibəsində Ermənistanın Baş naziri Nikol Paşinyan deyib.

Türkiyənin “Barış pınarı” anti-terror əməliyyatını “işğal” adlandıran Paşinyan bildirib ki, beynəlxalq ictimaiyyət Suriyadakı türk ordusunun yenidən Türkiyə ərazisinə qaytarılması üçün hərəkətə keçməlidir.

Amerika Birləşmiş Ştatları Nümayəndələr Palatasının 1915-ci il hadisələrini “erməni soyqırımı” kimi tanımasından danışan baş nazir qeyd edib ki, bu addım onlar üçün çox əhəmiyyətlidir: “Bu qərar mümkün gələcək soyqırımıların qarşısını almağa kömək edir. Bundan əlavə, bu tip qərar bölgəmizdəki atmosferi dəyişdirir. “Soyqırımı”nın üzərindın bir əsrdən çox keçməsinə baxmayaraq Türkiyə hələ də ermənilər tərəfindən mümkün təhlükə kimi qəbul olunur. Və otuz ilə yaxındır ki, sərhədimiz biz deyil, Türkiyə tərəfindən bağlanıb. Ermənistan tərəfi açıqdır”.

Jurnalistin “Ankara ilə diplomatik münasibətlər bərpa edilə bilərmi” sualına Paşinyan belə cavab verib: “Biz daha əvvəl də demişdik və yenə təkrar edirəm ki, heç bir şərt olmadan Türkiyə ilə diplomatik münasibətləri bərpa etməyə hazırıq. Erməni soyqırımının beynəlxalq səviyyədə tanınmasını Türkiyə ilə münasibətlərimiz üçün bir şərt hesab etmirik. Bu, onlarla münasibətlərimizlə deyil, dediyim kimi, qlobal soyqırımıların qarşısının alınması ilə bağlıdır”.  /Publika.az/

Paylaş: