01 Oktyabr 2020 00:57

Bu gün Nərminin qətlində təqsirləndirilən şəxsin şikayətinə baxılacaq

Adil Süleymanov: “İndiyədək qardaşımla görüşə bilməmişik, ondan heç bir xəbərimiz yoxdur”

Nərmin Quliyeva cinayətində təqsirləndirilən İlkin Süleymanovun şikayəti əsasında bu gün Apellyasiya Məhkəməsində iclas keçiriləcək. Bu barədə AYNA-ya İ.Süleymanovun qardaşı Adil Süleymanov məlumat verib. Onun sözlərinə görə, proses 14.30-da baş tutacaq.

A.Süleymanov onu da qeyd edib ki, indiyədək qardaşı ilə görüşə bilməyiblər: “Dünən qardaşımla vəkili görüşməli idi, ancaq görüş mümkün olmadı. Qardaşımdan hələ də bir xəbər ala bilməmişik. Səhhəti ilə bağlı soruşanda da, yaxşı olduğunu bildirirlər. Ümid edirik ki, bugünkü məhkəmədə İlkini görə biləcəyik”.

A.Süleymanovun sözlərinə görə, atasının mediaya müsahibəsindən sonra da cinayət işinin istintaqında heç bir dəyişiklik olmayıb: “Onsuz da kənd sakinləri İlkinin bu qətli törətdiyinə inanmırdı, indi də inanmırlar, ailəmizi dəstəkləyirlər, atama, anama baş çəkirlər. Müraciətlərimizdən sonra sosial şəbəkə istifadəçiləri tərəfindən də xeyli dəstək gördük. Hər kəs yazır ki, İlkin qatil ola bilməz və hər kəs bizim kimi, əsl qatilin tapılmasını tələb edir”.

Təqsirləndirilən şəxsin qardaşı Nərmin cinayəti ilə bağlı irəli sürülən ehtimallar barədə də danışıb: “Hər kəs bir ehtimal səsləndirir, öz fikrini deyir, ancaq bizim bu barədə heç bir fikrimiz yoxdur. Hər hansı bir iddia irəli sürüb, kiminsə günahına girə bilmərik. Haqsız yerə kiminsə bizim vəziyyətimizə düşməsini qəbul edəmmərik. Ümidimiz ona qalıb ki, əsl qatil tapılacaq”.

Qeyd edək ki, 10 yaşlı Quliyeva Nərmin Şərif qızı ötən il noyabrın 21-də, yaşadığı Tovuz rayonunun Dondar Quşçu kəndində itkin düşüb. Bu il yanvarın 6-sı axşam saatlarında isə onun yanmış cəsədi evlərinin yaxınlığında tapılıb. Faktla bağlı Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə) maddəsi ilə cinayət işi başlanılıb. Yanvarın 10-da isə hadisəni törətməkdə şübhəli bilinən Dondar Quşçu kənd sakini, 1973-cü il təvəllüdlü İ.Süleymanov saxlanılaraq istintaqa cəlb edilib. Tovuz Rayon Məhkəməsinin qərarı ilə İ.Süleymanovun barəsində 2 ay müddətinə həbs qətimkan tədbiri seçilib.

Müəllif: Rumiyyə Miraslan   

Paylaş:

escort bayan bayan escort pornhub türk porno hd porno sikiş hikayeleri travesti porno bayan escort escort bayan bayan escort casino mersin escort bayan mersin escort rokettube sex hikayeleri