25 Noyabr 2020 06:29

Ovannisyana hücum etdilər

Ermənistan müdafiə nazirliyinin sabiq nümayəndəsi Artsrun Ovannisyan hücuma məruz qalıb.

Turkustan.info xəbər verir ki, Qarabağdakı müharibə zamanı məlumat bloquna rəhbərlik edən Ovannisyan feysbuk hesabından 9 noyabrdan bəri təhdidlər aldığını, lakin cavab vermədiyini və polisə müraciət etmədiyini yazıb.

“Dünən gecə iki nəfər mənə hücum etdi. Müdafiə oluna bildim. Ölüm təhdidi olduğu və məni izlədikləri üçün polisə müraciət etməliyəm”, o qeyd edib.

Qeyd edək ki, Artsrun Ohannisyan Qarabağ müharibəsi müddətində ictimaiyyətə yalan məlumatlar ötürdüyü və heç bir torpaq itkisi olmadığı barədə danışdığı üçün 8 noyabrda Şuşanın azad olunmasından sonra hədələnirdi. Onun 9 noyabrda səhhəti kəskin şəkildə pisləşib və tibb mərkəzinə aparılıb. İmzalanmış üçtərəfli bəyanat elan edildikdən sonra isə feysbuk səhifəsində “Kaş özümə gəlməyəydim” sözlərini yazıb. (publika.az)

Paylaş: