17 Yanvar 2021 20:27

“WhatsApp” yeni açıqlama yaydı

Hamburg, 17. Juni 2013 - WhatsApp-Icon auf einem iPhone Hamburg 17 June 2013 Whatsapp Icon on a iPhone

“WhatsApp” messencerinin rəhbərliyi yeni məxfilik siyasətinin bu xidmətə sahib olan “Facebook” şirkətinin istifadəçilərinin yazışmalarına və əlaqə siyahılarına daxil olmasına icazə vermədiyini açıqlayıb.

Turkustan.info TASS-a istinadən xəbər verir ki, bu barədə messencerin rəhbərliyi öz “Twitter” hesabında məlumat yayıb.

“”WhatsApp” və “Facebook” şəxsi mesajlarınızı görmür və zəngləri dinləmir. “WhatsApp” kimin mesaj yazıb, kimə zəng etdiyini izləmir. “WhatsApp” əlaqə siyahınızı “Facebook” ilə paylaşmır. “WhatsApp”dakı qrup söhbətləri gizli qalır”, – məlumatda deyilir.

Bundan əvvəl “WhatsApp” istifadəçi müqaviləsini yeniləyərək bu messencerdən istifadə edən hər kəsi “Facebook”la məlumat paylaşmağı məcbur edib. Xüsusilə şirkət telefon nömrələri, əməliyyatlar və istifadəçilərin IP ünvanları haqqında məlumat yığacaq.   /Demokrat.az/

Paylaş: